ԻՐԱՆԱՀԱՅ 16 ԶՈՀԵՐԻ ՅԻՇԱՏԱԿԻՆ - Համատեղ հոգեհանգստեան արարողութիւն՝ Լոս Անջելեսում

«Ալիք»
28 Սեպտեմբեր 2008
Արեւմտեան Հայաստանում սեպտեմբերի 8-ին հանրակառքի վթարի զոհ դարձած 16 իրանահայերի յիշատակին Լոս Անջելեսում գործող իրանահայ ինը կազմակերպութիւններ, որոնց թւում՝ Լոս Անջելեսի Իրանահայ միութիւնը, «Նոր Ջուղայի բարեկամներ» յանձնախումբը, Թաւրիզահայերի յանձնախումբը, Ուրմիայի հայրենակցական միութիւնը, Ամերիկահայ մշակոյթի «Փերիա» մշակութային միութիւնը, ինչպէս նաեւ Հ.Մ.Ը.Մ.-ի Գլենդէլի «Արարատ» եւ Բըրբանքի «Սիփան» մասնաճիւղերը, «Դաւթեան- Մարիամեան» կրթական հաստատութիւնը եւ Հայ-ամերիկեան տարեցների միութիւնը, որոնց անդամների մեծամասնութիւնը իրանահայեր են, սեպտմբերի 21-ի առաւօտեան համատեղօրէն կատարեցին հոգեհանգստեան եւ յիշատակութեան յատուկ արարողութիւններ՝ Գլենդէլի Ս. Աստւածածին եկեղեցում։

Յաւարտ ս. պատարագի կատարւած հոգեհանգստեան արարողութեան ժամանակ «Սիփան» մասնաճիւղի սկաուտները հանդիսաւոր կերպով մուտք գործեցին եկեղեցի եւ իրանահայ յիշեալ կազմակերպութիւնների կողմից ծաղկեպսակ տեղադրեցին խորանի առջեւ՝ ի յիշատակ 16 զոհերի։

Հոգեհանգստեան արարողութիւնից յետոյ Ս. Աստւածածին եկեղեցու «Տէր-Պետրոսեան» սրահում տեղի ունեցաւ յիշատակութեան հանդիսութիւն, որին ներկայ գտնւեցին բազմահարիւր սգակիր հայեր, հիմնականում՝ Լոս Անջելեսում հաստատւած իրանահայեր։ Յանուն իրանահայ ինը կազմակերպութիւնների՝ միջոցառման բացումը կատարեց Սարօ Նազարեանը, որը վշտակցութիւն յայտնելով զոհւածների անմիջական ազգականներին ու հարազատներին՝ յիշատակեց, որ զոհւածների Արեւմտեան Հայաստան կատարած այցը վերահաստատումն էր համայն հայութեան այն արտայայտութեան, որ Արեւմտեան Հայաստանը եղել եւ շարունակում է մնալ մեր հայրենիքի անբաժանելի մասնիկը՝ Ազատ, Անկախ ու Միացեալ Հայաստանի տեսլականով։

Իրանահայ զոհերի հոգիների խաղաղութեան համար աղօթք բարձրացրեց Ս. Աստւածածին եկեղեցու հոգեւոր հովիւներից Տ. Կոմիտաս քհնյ. Թորոսեանը, որից յետոյ բեմ հրաւիրւեց ՀՅԴ Արեւմտեան Ամերիկայի Կենտրոնական կոմիտէի անդամ Յովան Թաշճեանը, որը Կենտր. կոմիտէի եւ շրջանի դաշնակցական մարմինների անունից ցաւակցութիւն յայտնեց 16 իրանահայերի զոհման առթիւ՝ շեշտելով, որ նրանց կորուստը համայն հայութեան ցաւալի կորուստն է, մասնաւորաբար այն իմաստով, որ նրանք զոհւեցին մեր նախնիների բռնագրաւեալ հայրենիքը՝ Արեւմտեան Հայաստան կատարած կարօտի այցի ընթացքում։ Յովան Թաշճեանը անդրադառնալով անցեալ տարի Իրան կատարած իր այցելութեանը, բարձր գնահատեց հայրենասիրական ու ազգային արժէքներով ապրելու եւ գոյապայքարելու իրանահայութեան վճռակամութիւնը։

Ցաւակցական խօսքով հանդէս եկաւ նաեւ Ս. Աստւածածին եկեղեցու հոգաբարձութեան անդամ Ժիրայր Ղարախանեանը՝ առ Աստւած խաղաղութիւն հայցելով զոհւածների հոգիների եւ մխիթարութիւն՝ նրանց անմիջական հարազատներին ու ազգականների համար։

Այնուհետեւ մատուցւեց հոգեսուրճ՝ «Նոր Ջուղայի բարեկամներ» յանձնախմբի կողմից։ Միջոցառումը փակ յայտարարւեց կ. յ. ժամը 2-ին։

ԱՐԵՒՄՏԵԱՆ ԱՄԵՐԻԿԱՅԻ ԼՐԱՀՈՍՔ

Սեպտեմբերի 21, 2008

http://www.alikonline.com/newsviewpage.aspx?idl=6376

Վշտակցութեան գիր

«Ալիք»

28 Սեպտեմբեր 2008

Թւականիս սեպտեմբերի 8-ը ծառայութեան մեր ժամանակաշրջանի սեւ օրերի շարքն անցաւ...

Հայոց պատմական երկրից դէպի տուն վերադարձող ուխտաւորներին պատահած արկածի գոյժը շշմեցուցիչ էր եւ ցնցեց ողջ իրանահայ ընտանիքին:Մարդկային սահմանափակ բառապաշարն անզօր է՝ արտացոլելու մեր հոգեկան կսկիծն ու տառապանքը, իսկ հասարակ մահկանացուներիս կարողութիւններից վեր է՝ շտկելու կատարւած մարդկային անպատասխանատու հասկացութեան սխալը եւ սարսափելի արդիւնքներ արձանագրւած անհոգութիւնն ու ագահութիւնը...

Սրտի անհուն թախիծով ցաւակցում ենք բոլոր զոհւածների ընտանիքներին եւ առ Բարձրեալն Աստւած շուտափոյթ ապաքինում աղերսում վիրաւորների ֆիզիկական վէրքերի համար: Իսկ վստահ ենք, որ համայնքիս հոգեկան վէրքերի սպիացումը դեռ երկար ժամանակ եւ ծով համբերութեան է կարօտ...Իրանի Իսլամական Հանրապետութեան պետական այրերի ու համայնքիս ազգային համակարգի հետ միասին՝ կատարեցինք այն բոլորը, ինչ մարդկային սահմանափակ մտքի ու հնարաւորութիւնների սահմաններում է տեղաւորւում:

Երանի մեզ հնարաւոր դառնար ժամանակի դաժան սլաքները յետ շրջել եւ սրբագրել կատարւած մարդկային 100-տոկոսանոց այս սխալը, սակայն դա անկարելի է անզօր մահկանացուներիս կեանքում...

Մեզ մնում է միայն Սուրբ Հոգով մխիթարւել ու մէկս միւսի ներկայութեամբ ուժեղանալ: Թէեւ վշտակիրներինն է իրական թախիծը, սակայն այդ սիրելիներից ոչ մէկը թող իրեն մենակ չզգայ, քանզի ցաւը բոլորինս է...

Պատմական ու ազգային յուշեր նւիրագործելու հեռանկարով մեկնեցին, բայց եւ իրենք յուշ դարձան՝ վեհ Մասիսի հայրական թախծոտ ներկայութեամբ ու նա վշտի շղարշով շրջափակւած իր որդիների կորուստը սգաց իր յաւերժական բարձունքից...

Իսլ. խորհրդարանում իրանահայութեան պատգամաւորներ՝

ԳԷՈՐԳ ՎԱՐԴԱՆ ԵՒ

ՌՈԲԵՐՏ ԲԵԳԼԱՐԵԱՆ

http://www.alikonline.com/newsviewpage.aspx?idl=6363

ՎՇՏԱԿՑՈՒԹԻՒՆ

«Ալիք»
25 Սեպտեմբեր 2005

Խոր վշտով համակւած սգալով Վան-Վասպուրականից վերադարձող իրանահայ ուխտաւորների անակնկալ եւ դառնաղէտ մահը՝ հանրակառքի ծանր արկածի հետեւանքով, մեր խորազգաց վշտակցութիւններն ենք յայտնում հանգուցեալների սգակիր ընտանիքներին, բոլոր հարազատներին եւ ողջ իրանահայութեանը:
Թ. Հ. Կ. ԲԱՐԵԳՈՐԾԱԿԱՆ ԸՆԿԵՐՈՒԹԻՒՆ,
«Ս. ԳԷՈՐԳ» ԵՒ «ՍՕՍԷ ՄԱՅՐԻԿ»
ԾԵՐԱՆՈՑՆԵՐԻ ՊԱՇՏՕՆԵԱՆԵՐ ԵՒ ԲՆԱԿԻՉՆԵՐ
http://www.alikonline.com/newsviewpage.aspx?idl=6308

ՑԱՒԱԿՑԱԿԱՆՆԵՐ

«Ալիք»

24 Սեպտեմբեր 2008

Խոր կսկիծով լսեցինք Արեւմտեան Հայաստան ուղեւորութիւնից վերադարձի ճանապարհին պատահած դժբախտ արկածի զոհ գնացած ուղեւորների դառնաղէտ եւ վշտալի մահւան բօթը։Այս ցաւալի առիթով մեր խորազգաց վշտակցութիւններն ենք յայտնում զոհւածների ընտանիքներին ու ողջ իրանահայութեանը եւ շտապ ապաքինում ենք ցանկանում վիրաւորներին։

Հ. ՈՒՍ. «ՉՀԱՐՄԱՀԱԼ» ՄԻՈՒԹԻՒՆ

_________________________________________

Արեւմտահայաստան կատարած ուխտագնացութիւնից վերադարձին պատահած դառնաղէտ աւտովթարի առթիւ անհուն վշտով համակւած մեր խորազգաց ցաւակցութիւններն ենք յայտնում զոհերի սգակիր հարազատներին, իրանահայ երեք թեմերի ազգային իշխանութիւններին եւ համայն իրանահայութեանը։

«ՎԱՆ-ՎԱՍՊՈՒՐԱԿԱՆ» ՊԱՏՄԱԿԱՆ ՀԱՐՑԵՐԻՈՒՍՈՒՄՆԱՍԻՐԱՑ ԿԵՆՏՐՈՆ

_________________________________________

Խոր վշտով համակւած սգալով Վան-Վասպուրականից վերադարձող իրանահայ ուխտաւորների անակնկալ եւ դառնաղէտ մահը հանրակառքի ծանր արկածի հետեւանքով, մեր խորին ցաւակցութիւններն ենք յայտնում հանգուցեալների սգակիր ընտանիքներին ու հարազատներին եւ ողջ իրանահայերին։

ՀԱՅԿԱԿԱՆ ԲԱՐԵԳՈՐԾԱԿԱՆ ԸՆԴՀԱՆՈՒՐ ՄԻՈՒԹԻՒՆ

http://www.alikonline.com/newsviewpage.aspx?idl=6287

ՑԱՒԱԿՑԱԿԱՆ

«Ալիք»
23 Սեպտեմբեր 2008

Խորապէս սգում ենք Արեւմտեան Հայաստան ուխտագնացութեանը մասնակցած եւ աղէտալի վթարի զոհ գնացած հայորդիների կորուստը։Մեր ցաւակցութիւնն ենք յայտնում հանգուցեալների հարազատներին եւ իրանահայութեանը՝ մաղթելով համբերութիւն եւ մխիթարութիւն՝ բոլորին։

Հ. Մ. «ՆԱՅԻՐԻ» ՄԻՈՒԹԻՒՆ

http://www.alikonline.com/newsviewpage.aspx?idl=6246

ՑԱՒԱԿՑԱԿԱՆ- ԳԱՅԻԱՆԷ ՄԵԼԻՔԵԱՆԻ (ՅԱՐՈՒԹԻՒՆԵԱՆ)

«Ալիք»

23 Սեպտեմբեր 2008

Խոր վշտով համակւած ցաւակցութիւն ենք յայտնում Աղաջանեան (Էսլամփանահ) ընտանիքին եւ միւս բոլոր հարազատներին, իրենց կրած ծանր եւ անփոխարինելի կորստի՝ Արեւմտեան Հայաստան ուխտագնացութեանը աղէտալի վթարի զոհ դարձած

ԴՈԿՏ. ՄԱՐԻԱՄ ԱՂԱՋԱՆԵԱՆԻ (ԷՍԼԱՄՓԱՆԱՀ)

ցաւալի մահւան առթիւ:

Իրանի Հայ բժշկական միութիւն

http://www.alikonline.com/newsviewpage.aspx?idl=6249

ՑԱՒԱԿՑԱԿԱՆ

«Ալիք»
21 Սեպտեմբեր 2008

Խորապէս սգում ենք Արեւմտեան Հայաստան ուխտագնացութեան մասնակցած եւ աղէտալի վթարի զոհ գնացած հայորդիների կորուստը:
Հայ աւետարանական եկեղեցին իր վշտակցութիւններն է յայտնում հանգուցեալների հարազատներին եւ իրանահայութեանը՝ մաղթելով համբերութիւն եւ Սուրբ Հոգու մխիթարութիւն՝ բոլորին:
Թեհրանի Հայ աւետարանական եկեղեցի

http://www.alikonline.com/newsviewpage.aspx?idl=6219

ՎՇՏԱԿՑՈՒԹԻՒՆՆԵՐ

«Ալիք»
20 Սեպտեմբեր 2008

Խոր վշտով համակւած սգալով Վան-Վասպուրականից վերադարձող իրանահայ ուխտաւորների անակնկալ եւ դառնաղէտ մահը՝ հանրակառքի ծանր արկածի հետեւանքով, մեր խորազգաց վշտակցութիւնն ենք յայտնում հանգուցեալների սգակիր ընտանիքներին, բոլոր հարազատներին եւ ողջ իրանահայութեանը:
«ՍԱԹԻ» ԸՆԿԵՐՈՒԹԻՒՆ
___________________________________________

Խոր վշտով համակւած սգալով Վան-Վասպուրականից վերադարձող իրանահայ ուխտաւորների անակնկալ եւ դառնաղէտ մահը՝ հանրակառքի ծանր արկածի հետեւանքով, մեր խորազգաց վշտակցութիւնն ենք յայտնում հանգուցեալների սգակիր ընտանիքներին, բոլոր հարազատներին եւ ողջ իրանահայութեանը:
ԻՐԱՆ-ՀԱՅԱՍՏԱՆ ԱՌԵՒՏՐԱԿԱՆ ՊԱԼԱՏ
___________________________________________

Խոր վշտով համակւած սգալով Վան-Վասպուրականից վերադարձող իրանահայ ուխտաւորների անակնկալ եւ դառնաղէտ մահը՝ հանրակառքի ծանր արկածի հետեւանքով, մեր խորազգաց վշտակցութիւնն ենք յայտնում հանգուցեալների սգակիր ընտանիքներին, բոլոր հարազատներին եւ ողջ իրանահայութեանը:
ԻՐԱՆ-ՀԱՅԱՍՏԱՆ ԲԱՐԵԿԱՄՈՒԹԵԱՆ ՄԻՈՒԹԻՒՆ

http://www.alikonline.com/newsviewpage.aspx?idl=6169

ՑԱՒԱԿՑԱԿԱՆՆԵՐ - ՎԻԳԷՆ ՏԷՐ-ՂԱԶԱՐԵԱՆԻ

«Ալիք»
20 Սեպտեմբեր 2008

Խոր վշտով համակւած ցաւակցութիւն ենք յայտնում՝ Տէր-Ղազարեան, Շահնազարեան եւ Աբրահամեան ընտանիքներին ու միւս բոլոր հարազատներին, իրենց կրած ծանր եւ անփոխարինելի կորստի՝

ՎԻԳԷՆ ՏԷՐ-ՂԱԶԱՐԵԱՆԻ

դառնաղէտ մահւան առթիւ:Մեր ցաւակցութիւնը՝ նաեւ արկածի պատճառով զոհւած միւս բոլոր հանգուցեալների ընտանիքներին ու հարազատներին:

Հ.Մ.Ա.Կ.-Ի ԹԱՒՐԻԶԻ ՄԱՍՆԱՃԻՒՂԻ

ՎԱՐՉՈՒԹԻՒՆ ԵՒ ԱՆԴԱՄ-ՈՒՀԻՆԵՐ

____________________________________________

Խոր վշտով համակւած ցաւակցութիւն ենք յայտնում սիրելիներ՝ Ռազմիկին եւ Թինային ու Տէր-Ղազարեան եւ Աւագեան ընտանիքներին, իրենց կրած ծանր եւ անփոխարինելի կորստի՝

ՎԻԳԷՆ ՏԷՐ-ՂԱԶԱՐԵԱՆԻ

ցաւալի մահւան առթիւ:

«Ադւանս մեդտրոնիքս» ընկերութեանտնօրէնութիւն եւ պաշտօնեաներ

http://www.alikonline.com/newsviewpage.aspx?idl=6171

ՑԱՒԱԿՑԱԿԱՆՆԵՐ

«Ալիք»
20 Սեպտեմբեր 2008

Խորապէս սգում ենք Նոր Ջուղայից Արեւմտեան Հայաստան ուխտագնացութեանը մասնակցած եւ աղէտալի վթարի զոհ դարձած՝
ՍԵՐԱ ՀԱՅԿՈՒՆԵԱՆԻ (ՅՈՎՀԱՆՆԻՍԵԱՆ),
ՍԱՆԱՄ ԳԱԼՍՏԵԱՆԻ ‏(ՂԱՐԻԲԵԱՆ),
ՅՈՎՀԱՆՆԷՍ ԲԱՐՍԵՂԵԱՆԻ,
ՍՈՒՍԱՆԲԱՐ ՅՈՎՍԷՓԵԱՆԻ (ԲԱՐՍԵՂԵԱՆ),
ՀԻԼԴԱ ՄԱՐԳԱՐԵԱՆԻ (ԱԼԵՔՍԱՆԴՐԵԱՆ),
ԱՆՈՒՇԻԿ ԲՈՒՆԻԱԴԵԱՆԻ (ՏԷՐ-ՄԱՐՏԻՐՈՍԵԱՆ),
ՔԼԱՐԱ ԿԻՐԱԿՈՍԵԱՆԻ (ԹՈՐՈՍԵԱՆ) ԵՒ
ՀԻԼԴԱ ՔԵՇԻՇԵԱՆԻ (ՇԻՐՒԱՆԵԱՆ)
դառնաղէտ կորուստը եւ նրանց հարազատներին, բարեկամներին եւ ողջ ջուղայահայութեանը մաղթում ենք համբերութիւն եւ մխիթարութիւն։
«Նոր Ջուղյի Բարեկամներ» յանձնախումբ
(Լոս Անջելես)
__________________________________________

Խորապէս սգում ենք Արեւմտեան Հայաստան ուխտագնացութեան մասնակցած եւ աղէտալի վթարի զոհ գնացած հայորդիների կորուստը։Մեր վշտակցութիւնն ենք յայտնում հանգուցեալների հարազատաներին եւ իրանահայութեանը՝ մաղթելով համբերութիւն եւ մխիթարութիւն՝ բոլորին։
«Նոր Ջուղյի Բարեկամներ» յանձնախումբ
(Լոս Անջելես)
___________________________________________

Ամենաչնչին կորուստն էլ շատ մեծ է հայի համար ու մեծ ցաւ է պատճառում նրա տառապած սրտին:Այս կորուստը շատ մեծ էր ու անփոխարինելի:Սրտի դառն կսկիծով ու խոր վշտով ցաւակցութիւն ենք յայտնում սեպտեմբերի 8-ի դժբախտ պատահարի կապակցութեամբ եւ Բարձրեալն Աստծուց հայցում ենք մխիթարութիւն ու համբերութիւն՝ մեր ժողովրդին, մանաւանդ զոհ գնացածների ընտանիքներին ու հարազատներին:
Հ. Մ. «ՍԻՓԱՆ» ՄԻՈՒԹԵԱՆ ՎԱՐՉՈՒԹԻՒՆ
___________________________________________

Անհուն կսկիծով սգում ենք Արեւմտեան Հայաստան ուխտագնացութեանը մասնակցած եւ աղէտալի աւտովթարի զոհ գնացած հայրենակարօտ հայորդիների, ի մասնաւորի երեք ուսուցչուհիներ՝
ԱՆՈՒՇԻԿ ԲՈՒՆԻԱԴԵԱՆԻ,
ՀԻԼԴԱ ՄԱՐԳԱՐԵԱՆԻ ԵՒ
ՀԻԼԴԱ ՔԵՇԻՇ ԱՆԴՐԷԱՍԵԱՆԻ
կորուստները:
Մեր ցաւակցութիւնն ենք յայտնում՝ հանգուցեալների բոլոր հարազատներին եւ Սպահանի հայոց թեմի առաջնորդ Տ. Բաբգէն եպս. Չարեանին, ազգային մարմիններին, ուսուցչական կազմերին եւ աշակերտութեան:
ԻՐԱՆԱՀԱՅ ՈՒՍՈՒՑԻՉՆԵՐԻ ՄԻՈՒԹԻՒՆ
___________________________________________

Խոր վշտով համակւած սգալով Վան-Վասպուրականից վերադարձեալ իրանահայ ուխտաւորների անակնկալ եւ դառնաղէտ մահը՝ հանրակառքի ծանր արկածի հետեւանքով, մեր խորազգաց ցաւակցութիւնն ենք յայտնում հանգուցեալների սգակիր ընտանիքներին, բոլոր հարազատներին եւ ողջ իրանահայութեանը:
ՀՕՄ-Ի ԹԱՒՐԻԶԻ ՄԱՍՆԱՃԻՒՂԻՎԱՐՉՈՒԹԻՒՆ ԵՒ ԱՆԴԱՄՈՒՀԻՆԵՐ
____________________________________________

Խոր վշտով համակւած ցաւակցութիւն ենք յայտնում՝ Աղաջանեան, Գասպարեան, Զարիֆեան, Բարոյեան եւ Մելիքեան ընտանիքներին ու միւս բոլոր հարազատներին, իրենց կրած ծանր եւ անփոխարինելի կորուստների՝
ԴՈԿՏ. ԱՐՄԻԿ ԱՂԱՋԱՆԵԱՆԻ,
ՌՈԶԱ ԲԱՐՈՅԵԱՆԻ ԵՒԳԱՅԻԱՆԷ ՄԵԼԻՔԵԱՆԻ
ցաւալի մահւանց առթիւ:
ՀՕՄ-Ի ԹԱՒՐԻԶԻ ՄԱՍՆԱՃԻՒՂԻՎԱՐՉՈՒԹԻՒՆ ԵՒ ԱՆԴԱՄՈՒՀԻՆԵՐ
___________________________________________

Խոր վշտով տեղեկացանք սեպտեմբերի 8-ին Արեւմտահայաստանում տեղի ունեցած հանրակառքի ահաւոր վթարի մասին, որտեղ զոհւել են 16 հայրենակիցներ:Սրանով Լոս Անջելեսի Իրանահայ միութեան անունից, մեր խորին ցաւակցութիւններն ենք յայտնում իրանահայ երեք թեմերի առաջնորդներին, հանգուցեալների հարազատներին եւ համայն իրանահայութեան:
ԼՈՍ ԱՆՋԵԼԵՍԻ ԻՐԱՆԱՀԱՅ ՄԻՈՒԹԵԱՆԿԵՆՏՐՈՆԱԿԱՆ ՎԱՐՉՈՒԹԻՒՆ

http://www.alikonline.com/newsviewpage.aspx?idl=6186

Հոգեհանգստեան արարողութիւն՝ Թաւրիզում քոյր թեմերի առաջնորդների եւ իրանահայութեան պատգամաւորների մասնակցութեամբ

«Ալիք»
20 Սեպտեմբեր 2008

Արեւմտեան Հայաստան ուխտագնացութեամբ ճամբորդած եւ ողբերգական արկածին զոհ գնացած 16 հայորդիների հոգիների խաղաղութեան համար, վաղը՝ սեպտ. 21-ի առաւօտեան ժամը 11-ին, Թաւրիզի Ս. Սարգիս եկեղեցում, ս. պատարագի աւարտին, կատարւելու է հոգեհանգստեան կարգ։

Այս մասին Ատրպատականի հայոց թեմի առաջնորդ Տ. Նշան եպս. Թոփուզեանն ասաց. «Նախ, պիտի յայտնենք, որ մեր պարագայում եւս շատ ծանր եղաւ կորուստը. մենք սեպտ. 15-ին հողին յանձնեցինք մեր երրորդ զոհին՝ տկն. Ռոզիկ Բարոյեանին, որը Թաւրիզում ՀՕՄ-ի մանկապարտէզ-նախակրթարանում ունէր աւելի քան 30 տարւայ ուսուցչի եւ դաստիարակի վաստակ եւ վերջին տասնամեակում աշխոյժ ներկայութիւն էր Թաւրիզի եկեղեցիների կանանց խնամակալ մարմնի աշխատանքներում։ Նրան կոչեցինք «քաղցր մայրիկ», որովհետեւ իրա՛ւ ինքն այդպիսին էր։ Ցաւում ենք, որ իր զաւակներից թուրի պատասխանատու պրն. Վարուժան Բարոյեանը դեռ հիւանդանոցում է եւ կրում է ծանր վէրքեր. նա ենթարկւելու է վիրահատութիւնների»։

Ապա խօսելով հոգեհանգստեան կարգի մասին՝ ասաց. «Որոշեցինք երեք թեմակալ առաջնորդներով եւ խորհրդարանի զոյգ պատգամաւորներով Թաւրիզում կատարել հաւաքական մեր եօթնօրեակի աղօթքը՝ մէկ անգամ եւս սփոփելու մեր անձերին, կրկին դիմելու Ամենակալ Աստծուն, որպէսզի թեթեւացնի մեր սուգի ծանրութիւնը»։

Թեմակալ առաջնորդներն ու խորհրդարանի պատգամաւորները, այսօր՝ սեպտ. 20-ի երեկոյեան հասնելու են Թաւրիզ։
http://www.alikonline.com/newsviewpage.aspx?idl=6145

Թեմական լուրեր Թաւրիզից

Թեմական Լուրեր
Թաւրիզ

« Յանուն Իրանահայութեան երեք Թեմերի, կրկին անգամ մեր սրտի եւ հոգու զօրակցութիւնն ենք յայտնում զահւածների ընտանիքներին »
ասաց Նշան Եպս. Թօփուզեանը Թաւրիզում

Համանախագահութեամբ Իրանի երեք Թեմերի Թեմակալ Առաջնորդների, մասնակցութեամբ Իրանի Խորհրդարանի զոյգ հայ Պատգամաւորների, Ատրպատականի Հայոց Թեմի Պատգ. Ժողովի եւ Թեմական Խորհրդի ու համայնքի, Կիրակի, 21 Սեպտ. 2008 թ.ի առաւօտեան ժամը 10:45ին, Թաւրիզի Սբ. Սարգիս եկեղեցում մատուցւեց Սբ. Պատարագ, որը մատուցանեց Ուրմիոյ Հովիւ՝ Հոգեշ. Տ. Անանիա Աբեղայ Գուճանեանը, եւ նւիրւեց ի յիշատակ Արեւմտեան Հայաստան ուխտագնացութեան մասնակցած եւ վերադարձի ճանապարհին ինքնաշարժի արկածից զոհւած 16 հայորիների յիշատակին։
Սբ. Պատարագի ընթացքում, Տէրունական Աղօթքից առաջ հակիրճ խօսքով արտայայտւեց Թեմակալ Առաջնորդ Նշան Եպիսկոպոս Թօփուզեանը, նախ բարի գալստեան խօսք ասելով Թեմակալ երկու Առաջնորդ Հայրերին եւ Խորհրդարանի Պատգամաւորներին, շեշտելով թէ «ա՛յս օրը, որը զուգադիպում է զոհւածների ննջման եօթնօրեակին, որոշեցինք հաւաքաբար սոյն արարողութիւնը կատարել Թաւրիզում եւ այստեղից մեր հոգու եւ սրտի զօրակցութիւնը յայտնելու զոհւածների ընտանիքներին եւ կրկին յիշելու Ֆիզիկապէս վնասւածքներ կրողներին, ի նշան շուտափոյթ ապաքինման »։
Ապա, Սրբազան Հայրը խորան հրաւիրեց Թեհրանի Հայոց Թեմի Առաջնորդ՝ Գերշ. Տ. Սեպուհ Արք. Սարգսեանին, օրւայ պատգամը փոխանցելու համար։
Սրբազան Հայրը իր բնաբանը դարձնելով Պօղոս Առաքեալի Եփեսացիներին գրած նամակից, ուր ասւում է « եւ այս բոլորի վրայ առէ՛ք հաւատի վահանը, որպէսզի կարողանաք հանգցնել Չարի արձակած բոլոր մխացող նետերը։ Առէ՛ք նաեւ փրկութեան սաղաւարտը եւ Սուրբ Հոգու սուրը, այսինքն՝ Աստծու խօսքը։ Այս բոլորի հետ մէկտեղ աղօթեցէ՛ք, թախանձագին աղօթեցէ՛ք տեւաբար, Սուրբ Հոգու օգնութեամբ » ( Եփսց. 6. 16 – 17 )։
Իր քարոզում, Սրբազան Հայրը առ ի մխիթարութիւն սգակիր պարագաներին ասաց թէ « այս ահաւոր արկածը ցնցեց ամբողջ Իրանահայութիւնը եւ մենք, թէ՛ հոգեւորական դասը, թէ՛ ազգային իշխանութիւնը եւ թէ՛ Խորհրդարանի Պատգամաւորները, ըստ կարելւոյն երեք Թեմերում էլ փորձեցինք ձեզ հետ լինել՝ ձեր կրած այս ծանր բեռը թեթեւացնելու համար »։
Իրանի Իսլամական Հանրապետութեան պետական պատասխանատուների ցուցաբերած օժանդակութիւնների մասին խօսելով, Սրբազան Հայրը շեշտեց թէ « յանուն ամբողջ Իրանահայութեան, յայտնում ենք մեր սրտագին շնորհակալութիւններն ու երախտիքը՝ Արեւելեան եւ Արեւմտեան Ատրպատականում պետական պատասխանատուների ցուցաբերած մարդկային օժանդակութիւնների համար, ինչպէս նաեւ Թուրքիայում Իրանի Դեսպանատան անձնակազմի եւ բոլոր նրանց ովքեր որեւէ ձեւով օգտակար հանդիսացան մեզ »։
Պօղոս Առաքեալի թելադրական խօսքերին անդրադառնալով, Սրբազան Հայրը ասաց թէ « պարտ է մեզ Սուրբ Հոգու սրով եւ վահանով սպառազինւելու՝ որպէսզի դիմակայենք նման ծանր հարւածներ. մաղթում ենք որ Աստծուն ապաւինելով, կարողանանք սփոփւել եւ մեր առօրեայում նման տագնապների ժամանակ չյուսահատւել… »։

Սրբազան Հօր քարոզից յետոյ, Սպահանի Հայոց Թեմի Առաջնորդ՝ Գերշ. Տ. Բաբգէն Եպս. Չարեանը ընթերցեց Հաւաքական Խոստովանանքի աղօթքը, որից յետոյ հաւատացեալները ստացան Սբ. Հաղորդութիւն։
Պատարագի աւարտին, նախագահութեամբ Թեհրանի Հայոց Թեմի Առաջնորդ՝ Գերշ. Տ. Սեպուհ Արք. Սարգսեանի տեղի ունեցաւ Հոգեհանգստեան Կարգը եւ յիշւեցին զոհւած հայորդիների անունները, աղօթք բարձրացնելով առ Աստւած որ Իր երկնային երանական օթեւաններում հանգչեցնի նրանց հոգիները։
Բի՜ւր յարգանք նրանց անմոռաց յիշատակին։

Յարգանօք՝
ՎԱՆՔ

Բոլորս Ալ Կը Միանանք

«ԱՍՊԱՐԷԶ»

Friday, September 19, 2008

Ստորեւ կը հրատարակենք Լոս Անճելըսի մէջ գործող հայկական ինը միութիւններու միացեալ հաղորդագրութիւնը, ուր կոչ կÿուղղուի շրջանիս հայ հասարակութեան ներկայ ըլլալու իրանահայ երեք թեմերէն զոհուած հայորդիներուն համար հոգեհանգստեան պաշտօնին: Գիտենք, որ այս հաղորդագրութեան տակ պայմանականօրէն կը գտնենք այս ինը կազմակերպութիւններու ստորագրութիւնը: Վստահ ենք, որ հայկական իւրաքանչիւր միութիւն կամ կազմակերպութիւն սիրով պիտի ստորագրէր այս գովելի նախաձեռնութեան տէրերուն կողքին: Սուգը համազգային է: Կը միանանք ստորագրողներուն:

ՀԱՂՈՐԴԱԳՐՈՒԹԻՒՆ
Արեւմտեան Հայաստանում ինքնաշարժի վթարով իրանահայ երեք թեմերից զոհուած 16 հայորդիների յիշատակը յարգելու նպատակով, իրանահայ կամ հիմնականում իրանահայերից կազմուած ինը կազմակերպութիւններ Հինգշաբթի, Սեպտեմբերի 18ի երեկոյեան ժամը 8։00ին, ՀՅԴ «Փեշեքերեան» կենտրոնի ժողովասրահում ունեցած խորհրդակցական հանդիպման ընթացքում, որոշեցին «Նոր Ջուղայի բարեկամներ» յանձնախմբի հետ համատեղօրէն առաջիկայ Կիրակի, Սեպտեմբերի 21ին Կլէնտէյլի Սբ. Աստուածածին եկեղեցում մատուցուող Սբ. եւ անմահ Պատարագի աւարտին, ունենալ հոգեհանգստան արարողութիւն՝ իրանահայ զոհերի հոգիների խաղաղութեան համար։ Լիայոյս ենք, որ մեր հաւատացեալ ժողովուրդը խուռներամ ներկայ կը գտնուի հոգեհանգստեան սոյն արարողութեան։
ԼՈՍ ԱՆՃԵԼԸՍԻ ԻՐԱՆԱՀԱՅ ՄԻՈՒԹԻՒՆ

«ՆՈՐ ՋՈՒՂԱՅԻ ԲԱՐԵԿԱՄՆԵՐ» ՅԱՆՁՆԱԽՈՒՄԲ

ՈՒՐՄԻՈՅ ՀԱՅՐԵՆԱԿՑԱԿԱՆ ՄԻՈՒԹԻՒՆ

ԹԱՒՐԻԶԱՀԱՅԵՐԻ ՅԱՆՁՆԱԽՈՒՄԲ

ԱՄԵՐԻԿԱՀԱՅ ՄՇԱԿՈՅԹԻ ՓԵՐԻԱ ՄՇԱԿՈՒԹԱՅԻՆ ՄԻՈՒԹԻՒՆ

«ԴԱՒԹԵԱՆ□ՄԱՐԻԱՄԵԱՆ» ԿՐԹԱԿԱՆ ՀԱՍՏԱՏՈՒԹԻՒՆ

ՀՄԸՄ ԿԼԷՆՏԷՅԼԻ «ԱՐԱՐԱՏ»ՄԱՍՆԱՃԻՒՂ

ՀՄԸՄ ՊԸՐՊԱՆՔԻ «ՍԻՓԱՆ» ՄԱՍՆԱՃԻՒՂ

ՀԱՅ-ԱՄԵՐԻԿԵԱՆ ՏԱՐԵՑՆԵՐԻՄԻՈՒԹԻՒՆ

http://www.asbarez.com/#AMC=Open&ASBSC=Closed

Հոգեհանգիստ՝ Ի Յիշատակ Արկածի Զոհ Գացած Հայորդիներուն

«Ասպարէզ»
16 Սեպտեմբեր 2008

Կիրակի, Սեպտեմբեր 21, 2008ին, շրջանիս բոլոր եկեղեցիներուն մէջ յաւարտ Ս. եւ Անմահ Պատարագի պիտի կատարուի հոգեհանգստեան պաշտօն՝ Արեւմտեան Հայաստանէն դէպի Իրան վերադարձի ճամբուն վրայ հանրակառքի դժբախտ արկածի մը զոհ գացած 16 հայորդիներու հոգիներուն համար։ Միասնաբար յարգե՛նք Արեւմտեան Հայաստանի պատգամը իրենց հոգիներուն մէջ զոհուած հայորդիներուն յիշատակը։

http://www.asbarez.com/#AMC=Open&ASBSC=Open

Կարօտի Զոհերը

«Ասպարէզ»
16 Սեպտեմբեր 2008
Պատմական հայրենիքին կարօտը իւրաքանչիւրիս հոգիին ու սրտին մէջ է: Այս անգամ այդ ընթացիկ, մեր առօրեային անբաժան կարօտի կտտանքին աւելցաւ վիշտը նոր կորուստներուն՝ անհեթեթ, անիմաստ վթարի մը պատճառաւ, որ պատահեցաւ սրբազան լերան այնքան մօտիկ:

Վիպապաշտ ժողովուրդ ենք: Հաւանաբար նոյն այդ վիպապաշտութիւնը գործածած ենք իբրեւ զէնք ու զրահ՝ մխիթարուելու, սփոփուելու, կամ պարզապէս վերապրելու եւ ուժ հաւաքելու համար:

Այս անգամ ալ վիպապաշտութիւնը կը հասնի մեզ օգնութեան:

Հաշտուելու, բացատրելու, իմաստաւորելու համար կորուստները, գտնուեցաւ հրաշալի ձեւակերպումը՝ «Կարօտի Զոհեր» կոչելով աղէտեալները:

Թաւրիզի թեմակալ առաջնորդ Նշան եպս. Թոփուզեանն էր, որ յղացաւ այդ բանաձեւումը: Այս նոյն առաջնորդի աչքերուն առջեւ էր, ուր գործադրուած էր Ջուղայի խաչքարերու ջարդը, զոր իր միջոցներով ան արձանագրեց՝ իբրեւ փաստական խարան ատրպէյճանցի սինլքորներուն, եւ զոր աշխարհով մէկ տարածեց, համընդհանուր դատապարտութեան արժանացնելով այդ հակամարդկային ոճրագործութիւնը:

Կիրակի օր, մեր գաղութին մէջ ալ, հայկական բոլոր եկեղեցիներու խորանին առջեւ, հոգեհանգստեան պաշտօն պիտի կատարուի ի յիշատակ կարօտի տասնվեց հայորդի զոհերուն, որոնք մեր եղբայրներն են, որոնց դշխեմ ճակատագիրը կրնար մեզմէ ոեւէ մէկունը դառնալ, այդ նոյն ճանապարհին, հայրենիքը տեսնելու մարմաջը գոհացնելու ուխտագնացութեան մը ատեն:

Յիշենք, ու իրենց հայրենի հողը տեսնելէն աւելի ի՛սկ բոցավառուած կարօտի ուժը՝ թող ներարկուի բոլորիս մէջ:

http://www.asbarez.com/#AMC=Open&ASBSC=Open

ՑԱՒԱԿՑԱԳԻՐ

«Ալիք»
18 Սեպտեմբեր 2008

Խոր վշտով տեղեկացանք սեպտ. 8-ին Արեւմտեան Հայաստան այցելած մեր հայրենակիցների հանրակառքի վթարի մասին, որի հետեւանքով՝ իրանահայ համայնքը կրեց անփոխարինելի կորուստներ:Այդ կապակցութեամբ ցաւակցում ենք իրանահայ համայնքին, Թեհրանի, Սպահանի ու Ատրպատականի թեմերին եւ զոհւածների հարազատներին:

ՀՅԴ ԱՐՑԱԽԻ ԿԵՆՏՐՈՆԱԿԱՆ ԿՈՄԻՏԷ

http://www.alikonline.com/newsviewpage.aspx?idl=6139

ՎՇՏԱԿՑՈՒԹԻՒՆ

«Ալիք»
18 Սեպտեմբեր 2008
Այսու յանուն թեմիս կրօնական ու ազգային մարմինների եւ անձամբ մեր խորազգաց ցաւակցութիւններն ենք յայտնում Արեւմտեան Հայաստանում իրանահայ զբօսաշրջիկների ինքնաշարժի վթարի զոհերի ընտանիքի անդամներին եւ հարազատներին, ինչպէս նաեւ՝ իրանահայ երեք առաջնորդարաններին ու ողջ իրանահայութեան:

Այս անակնկալ եւ ցաւալի լուրը մեծապէս ցնցեց մեզ։ Կարդալով անմեղ զոհերի անունները՝ շատերին ճանաչեցինք՝ որպէս տարիների անձնական բարեկամներ, յատկապէս՝ Նոր Ջուղայի զբօսաշրջիկների պարագայում:

Առ ի գիտութիւն՝ յայտնենք, որ առաջիկայ ուրբաթ, սեպտեմբերի 19-ի առաւօտեան, յաւարտ ս. պատարագի, կը կատարւի հոգեհանգստեան պաշտօն՝ այս ահաւոր արկածի պատճառով զոհւած բոլոր հայորդիների համար:

Աղօթում ենք առ Բարձրեալն Աստւած, որ յիշեալ ննջեցեալների հոգիներն արժանացնի Իր երկնային լուսեղէն խորաններին եւ Սուրբ Հոգու մխիթարութիւնը պարգեւի բոլոր սգակիրներին։

Մնամ օրհնաձայն սիրոյ ողջունիւ,

ջերմօրէն աղօթարար՝ վշտակից

ԿՈՐԻՒՆ ԱՐՔ. ՊԱՊԵԱՆ ԿԱԹՈՂԻԿՈՍԱԿԱՆ

ՓՈԽԱՆՈՐԴ ՔՈՒՎԷՅԹԻ ԵՒ

ՊԱՐՍԻՑ ԾՈՑԻԵՐԿՐՆԵՐԻ ԹԵՄԻ

14 սեպտ., 2008, Քուվէյթ

http://www.alikonline.com/newsviewpage.aspx?idl=6138

ՑԱՒԱԿՑԱԳՐԵՐ

«Ալիք»
16 Սեպտեմբեր 2008

Գերշ. Տ. Սեպուհ Ս. արք. Սարգսեան՝

Առաջնորդ Թեհրանի հայոց թեմի,

Գերշ. Տ. Բաբգէն Ս. եպս. Չարեան՝

Առաջնորդ Սպահանի հայոց թեմի,

Գերշ. Տ. Նշան Ս. եպս. Թոփուզեան՝

Առաջնորդ Ատրպատականի հայոց թեմի,

Ահաւոր արկածի պատճառած բազմաթիւ հայ զոհերու կորուստը մեծ էր ու ծանր մի հարւած իրանահայութեան, իսկ մեզի խոր ցաւ պատճառեց:

Կը վշտակցենք եւ մեր խորազգաց ցաւակցութիւնները կը յայտնենք հայոց երեք թեմերու առաջնորդ Սրբազան Հայրերուն, երեք թեմերու ազգային իշխանութեանց, արկածի զոհերու ընտանիքներուն, ինչպէս նաեւ համայն իրանահայութեան:Կը հայցենք ու կաղօթենք Ամենակարողին, որ նման արկածներէն հեռու պահէ իրանահայերը եւ աշխարհով մէկ սփռւած բոլոր հայերը:

ԷՅՊԷԶԻ ՀԱՅՐԵՆԱԿՑԱԿԱՆ ՄԻՈՒԹԵԱՆ ՎԱՐՉՈՒԹԻՒՆ

______________________________________________

Գերաշնորհ Տ. Սեպուհ արք. Սարգսեան

(Առաջնորդ Թեհրանի թեմին),

Գերաշնորհ Տ. Բաբգէն եպս. Չարեան

(Առաջնորդ Սպահանի թեմին),

Գերաշնորհ Տ. Նշան եպս. Թոփուզեան

(Առաջնորդ Ատրպատականի թեմին),

Խոր ցաւով իմացանք ինքնաշարժի արկածին մասին, որ պատահած է սեպտեմբերի 9-ի առաջին ժամերուն եւ պատճառած տասնեակ զոհեր ու վիրաւորներ։

Յանուն թեմիս հոգեւորական դասուն, ժողովականութեան եւ ժողովուրդին՝ կը ցաւակցինք զոհերու ընտանիքներուն ու պարագաներուն եւ կաղօթենք, որ Աստւած հանգիստ շնորհէ զոհերուն եւ Սուրբ Հոգւոյ մխիթարութիւն՝ ընտանեկան պարագաներուն, ինչպէս նաեւ շուտափոյթ եւ բարի ապաքինում՝ վիրաւորներուն։

Մնամ ցաւակից

Աղօթակից՝

ՎԱՐՈՒԺԱՆ ԱՐՔ.՝ ԿԱԹՈՂԻԿՈՍԱԿԱՆ

ՓՈԽԱՆՈՐԴ ԿԻՊՐՈՍԻ ԹԵՄԻՆ

______________________________________________

Պրն. Գէորգ Վարդանեան՝

հիւսիսային իրանահայութեան պատգամաւոր,

Յարգելի պրն. Վարդանեան,

Սրտի անհուն կսկիծով իմացանք Թուրքիոյ արեւելեան շրջանին մէջ տեղի ունեցած դժբախտ պատահարին մասին:

Անձնապէս եւ կիպրահայ համայնքի կողմէ կը փոխանցենք մեր խոր ցաւակցութիւնները՝ հանրակառքի արկածին պատճառով զոհ գացած իրանահայ զոհերուն համար:

Այս գծով Ձեր կողմէ տարւած անհրաժեշտ համադրումի աշխատանքները՝ իրանական իշխանութիւններու եւ Թուրքիոյ Իրանի դեսպանատան միջեւ, բարձր կը գնահատենք:

ՑԱՒԱԿՑՈՒԹԵԱՄԲ՝

ՎԱՐԴԳԷՍ ՄԱՀՏԵՍԵԱՆ՝

ԿԻՊՐԱՀԱՅ ՀԱՄԱՅՆՔԻ ՊԵՏԱԿԱՆ ՆԵՐԿԱՅԱՑՈՒՑԻՉ

http://www.alikonline.com/newsviewpage.aspx?idl=6045

ՑԱՒԱԿՑԱԿԱՆ

«Ալիք»
16 Սեպտեմբեր 2008

Սրտի դառն կսկիծով ու վշտահար ապրումներով գուժում ենք սեպտեմբերի 8-ի դժբախտ պատահարի հետեւանքով զոհւած մեր շատ սիրելի եւ հարազատ
ՍԻԼՒԱՆԱ ՂԱՐԱԴԱՂԻԻ,
ՔԼԱՐԱ ԿԻՐԱԿՈՍԵԱՆԻ,
ՍԵՐԱ ՀԱՅԿՈՒՆԵԱՆ-ՅՈՎՍԷՓԵԱՆԻ,
ՅՈՎՀԱՆՆԷՍ ԲԱՐՍԵՂԵԱՆԻ,
ՌՈԶԱ ԱՅՒԱԶ ՄԿՐՏՉԵԱՆ ԹԱԲՐԻԶԻԻ,
ԱԼՄԱՍ ՄՈՎՍԷՍ ՄՈՂԱԴԴԱՄԻ,
ԳԱՅԻԱՆԷ ՅԱՐՈՒԹԻՒՆԵԱՆԻ,
ՄԻՍԱՔ ԲԱԲԱՅԵԱՆՑԻ,
ՎԻԳԷՆ ՏԷՐ-ՂԱԶԱՐԵԱՆ ՄԱԼՀԱՄԻԻ,
ԱՐՄԻԿ ԷՍԼԱՄՓԱՆԱՀԻ,
ՀԻԼԴԱ ՄԱՐԳԱՐԵԱՆԻ,
ՍՈՒՍԱՆԲԱՐ ՅՈՎՍԷՓԵԱՆԻ,
ԱՆՈՒՇԻԿ ԲՈՆԻԱԴԵԱՆԻ,
ՇԱՀՍԱՆԱՄ ԳԱԼՍՏԵԱՆԻ,
ՖԱՐԱՆԳ ՇԱՀԲԱԶԻԻ,
ՀԻԼԴԱ ՔԵՇԻՇ-ԱՆԴՐԷԱՍԵԱՆԻ (ՇԻՐՒԱՆԵԱՆ)
մահը եւ մեր խորին ցաւակցութիւններն ենք յայտնում հանգուցեալների հարազատներին։
«ԳԱՌՆԻ ԹՈՒՐ» ԸՆԿԵՐՈՒԹԻՒՆ
http://www.alikonline.com/newsviewpage.aspx?idl=6052

ՑԱՒԱԿՑԱԿԱՆ

«Ալիք»
16 Սեպտեմբեր 2008
Խորապէս սգալով իրանահայ ուխտաւորների անակնկալ ու դառնաղէտ կորուստը, ոնոնք Վան-Վասպուրականից Իրան վերադառնալիս՝ հանրակառքի ծանր արկածի զոհը դարձան, ցաւակցում ենք հանգուցեալների հարազատներին ու ողջ իրանահայութեանը եւ համբերութիւն ու տոկունութիւն հայցում բոլորի համար։
ՀԱՅ ԱԿՈՒՄԲ

ՑԱՒԱԿՑԱԿԱՆ

«Ալիք»
16 Սեպտեմբեր 2008

Խորապէս ցաւում եւ սգում ենք սեպտեմբերի 8-ին տեղի ունեցած ողբերգութեան առթիւ՝ Իրնա-Թուրքիա սահմանի մօտակայքում տեղի ունեցած աւտովթարի կապակցութեամբ։Հ.Մ.Մ. «Րաֆֆի» համալիրի անդամների, պաշտօնէութեան եւ վարչութեան անունից մեր խորին ցաւակցութիւնն ենք յայտնում աւտովթարի հետեւանքով զոհւածների ընտանիքներին, հարազատներին, բարեկամներին ու ամբողջ իրանահայութեանը եւ արագ ապաքինում ենք ցանկանում դէպքից վիրաւորւած հայրենակիցներին։

Հ.Մ.Մ. «ՐԱՖՖԻ» ՀՄԱԼԻՐԻ ՎԱՐՉՈՒԹԻՒՆ

http://www.alikonline.com/newsviewpage.aspx?idl=6054

Թեհրանի հայոց թեմի առաջնորդին ուղղւած ցաւակցականներ

«Ալիք»
16 Սեպտեմբեր 2008
Անցնող մի քանի օրերի ընթացքում թեմիս առաջնորդ Գերշ. Տ. Սեպուհ Ս. արք. Սարգսեանը Արեւմտահայաստան ուխտագնացութիւնից վերադարձին պատահած աւտովթարի առիթով նաեւ ստացել է հետեւեալ ցաւակցական հեռագրերը, գրութիւնները եւ էլեկտրոնային նամակները.

1- Շահան արք. Սւաճեանից՝ Կ. Պոլսոյ պատրիարքական փոխանորդ

2- Խաժակ արք. Յակոբեանից՝ առաջնորդ Կանադայի հայոց թեմի

3- Անուշաւան եպս. Դանիէլեանից՝ առաջնորդական փոխանորդ ԱՄՆ-ի Արեւելեան թեմի

4-Մուշեղ արք. Մարտիրոսեանից՝ առաջնորդ ԱՄՆ-ի Արեւմտեան թեմի

5- Արամ քհնյ. Տէյրմենճեանից՝ հոգեւոր հովիւ Արաբական Միացեալ Էմիրութիւնների

6- Խորէն եպս. Տողրամաճեանից՝ առաջնորդ հայոց Յունաստանի

7- ՀՅԴ Լիբանանի Կենտրոնական կոմիտէից

8- Իրանի Իսլ. Հանրապետութիւնում Հայաստանի դեսպանութիւնից

9- Տ. Գուրգէն քհնյ. Յովհաննիսեանից՝ հոգեւոր հովիւ Սրբոց Վարդանանց եկեղեցու (Բէյրութ)

10- Յովսէփ Աշճեանից՝ «Աշճեան» թուրի տնօրէն (Բէյրութ):

ԴՒՒԱՆ ԱԶԳԱՅԻՆ ԱՌԱՋՆՈՐԴԱՐԱՆԻ ԹԵՀՐԱՆԻ ՀԱՅՈՑ ԹԵՄԻ

http://www.alikonline.com/newsviewpage.aspx?idl=6044

ՑԱՒԱԿՑԱԿԱՆ

«Ալիք»
15 Սեպտեմբեր 2008

Խորապէս սգում ենք Նոր Ջուղայից Արեւմտեան Հայաստան ուխտագնացութեանը մասնակցած եւ անղէտալի վթարի զոհ դարձած՝

ՍԵՐԱ ՀԱՅԿՈՒՆԵԱՆԻ (ՅՈՎՀԱՆՆԻՍԵԱՆ),

ՍԱՆԱՄ ԳԱԼՍՏԵԱՆԻ (ՂԱՐԻԲԵԱՆ),

ՅՈՎՀԱՆՆԷՍ ԲԱՐՍԵՂԵԱՆԻ,

ՍՈՒՍԱՆԲԱՐ ՅՈՎՍԷՓԵԱՆԻ (ԲԱՐՍԵՂԵԱՆ),

ՀԻԼԴԱ ՄԱՐԳԱՐԵԱՆԻ (ԱԼԵՔՍԱՆԴՐԵԱՆ),

ԱՆՈՒՇԻԿ ԲՈՒՆԻԱԴԵԱՆԻ (ՏԷՐ-ՄԱՐՏԻՐՈՍԵԱՆ),

ՔԼԱՐԱ ԿԻՐԱԿՈՍԵԱՆԻ (ԹՈՐՈՍԵԱՆ) եւ

ՀԻԼԴԱ ՔԵՇԻՇԵԱՆԻ (ՇԻՐՒԱՆԵԱՆ)

դառնաղէտ կորուստը եւ նրանց հարազատներին, բարեկամներին եւ ողջ ջուղայահայութեանը մաղթում ենք համբերութիւն եւ մխիթարութիւն։

ՀԱՅ ԴԱՏԻ ՅԱՆՁՆԱԽՈՒՄԲ

(Նոր Ջուղա)

___________________________________________

Խորապէս սգում ենք Արեւմտեան Հայաստան ուխտագնացութեանը մասնակցած եւ աղէտալի վթարի զոհ գնացած հայորդիների կորուստը։

Մեր վշտակցութիւնն ենք յայտնում հանգուցեալների հարազատներին եւ իրնահայութեանը՝ մաղթելով համբերութիւն եւ մխիթարութիւն՝ բոլորին։

ՀԱՅ ԴԱՏԻ ՅԱՆՁՆԱԽՈՒՄԲ

(Նոր Ջուղա)

http://www.alikonline.com/newsviewpage.aspx?idl=6013

ՑԱՒԱԿՑԱԳԻՐ

«Ալիք»
15 Սեպտեմբեր 2008
Գերաշնորհ Հայրեր՝ Սեպուհ արք. Սարգսեան՝ առաջնորդ Թերանի հայոց թեմի, Բաբգէն եպս. Չարեան՝ առաջնորդ Սպահանի հայոց թեմի, Նշան եպս. Թոփուզեան՝ առաջնորդ Ատպատականի հայոց թեմի,Լիբանանի Մարաշի հայրենակցական միութեան վարչութիւնը խոր ցաւով իմացաւ հանրակառքի այն դժբախտ արկածը, որուն զոհ գացին իրանահայ Ձեր երեք թեմերէն ազգայիններ:Կը ցաւակցինք անոնց կորուստին՝ յայտնելով մեր խորազգաց զգացումները՝ Ձեզ, ինչպէս նաեւ՝ անոնց հարազատներուն եւ շուտափոյթ ապաքինում կը մաղթենք վիրաւորներուն:

ԼԻԲԱՆԱՆԻ ՄԱՐԱՇԻ ՀԱՅՐԵՆԱԿՑԱԿԱՆ ՄԻՈՒԹԵԱՆ ՎԱՐՉՈՒԹԻՒՆ
http://www.alikonline.com/newsviewpage.aspx?idl=6020

ՑԱՒԱԿՑԱԿԱՆ

«Ալիք»
15 Սեպտեմբեր 2008
Ցաւով տեղեկացանք իրանահայ համայնքից Արեւմտահայաստան ուխտագնացութեան մեկնած մեր հայրենակիցների հետ տեղի ունեցած ողբերգութեան մասին: Այսու մեր խորին ցաւակցութիւններն ենք յայտնում՝ զոհւածների հարազատներին, ազգային եւ թեմական կառոյցներին, ինչպէս նաեւ՝ ողջ իրանահայութեանը:Միաժամանակ՝ յայտնում ենք արագ ապաքինման մեր բարեմաղթանքները՝ ողբերգական դիպւածի ժամանակ վիրաւորւած մարդկանց:

Այս օրերում մենք մէկ անգամ եւս համոզւեցինք, որ հայ մարդկանց ցաւը, որտեղ էլ նրանք ապրելիս լինեն, ողջ հայութեան ցաւն է:

ՀՅԴ ՀԱՅԱՍՏԱՆԻ ԳԵՐԱԳՈՅՆ ՄԱՐՄԻՆ

13.9.2008
http://www.alikonline.com/newsviewpage.aspx?idl=6008

Թեհրանի Նոր Բուրաստան գերեզմանատանը հողին յանձնւեցին «Կարօտի զոհերի» մարմինները

«Ալիք»
15 Սեպտեմբեր 2008

Երէկ դառն կսկիծով Թեհրանի Նոր Բուրաստան գերեզմանատանը հողին յանձնւեցին թեհրանահայ հինգ հայորդիներից չորսի անշնչացած մարմինները, որոնք զոհւել էին աւտովթարի դառնաղէտ դէպքի հետեւանքով, Արեւմտեան Հայաստան կատարած ուխտից վերադառնալիս:

Բօթը ծանր էր համայնքի համար եւ ինչպէս դէպքի լուրը առնելու պահերից երբ բոլորս՝ ազգային մարմիններ, իշխանութիւն ու ժողովուրդ հոգեպէս ալեկոծւեցինք, այնպէս էլ երէկ հոծ բազմութիւն էր համախմբւել՝ Նոր Բուրաստանում՝ վերջին հրաժեշտը տալու զոհւածներին եւ վշտակցելու հարազատներին:Կէսօրւայ ժամը 2-ին Նոր Բուրաստան գերեզմանատանն էին՝ Թեհրանի հայոց թեմի առաջնորդ Տ. Սեպուհ արք. Սարգսեանը, Սպահանի հայոց թեմի առաջնորդ Տ. Բաբգէն եպս. Չարեանը, որը մի պատւիրակութիւն գլխաւորելով՝ արարողութեանը մասնակցելու նպատակով՝ Թեհրան էր ժամանել, Իրանում Հայաստանի Հանրապետութեան դեսպանութեան ներկայացուցիչներ, Իսլ. խորհրդարանում իրանահայ զոյգ պատգամաւորներ, թեմերի Թեմական խորհուրդների եւ «Ալիք»-ի ներկայացուցիչներ, քահանայից դասը, զոհւածների հարազատները եւ մեծ թւով հայրենակիցներ:

Նոր Բուրաստանի մատուռի դիմաց, ուր համախմբւած էին ներկաները, տեղադրւած էին չորս զոհեր՝ ամուսիններ՝ Թովմաս Մովսէս Մողադդամի (Ալմաս) եւ Ֆարանգ Շահբազիի, Միսաք Բաբայեանի եւ Սիլւանա Ղարադաղեանի դագաղները:

Նախագահութեամբ Թեհրանի հայոց թեմի առաջնորդ Տ. Սեպուհ արք. Սարգսեանի, խունկի ծուխով պատւած դագաղների մօտ, կատարւեց թաղման կրօնական կարգը, որի ընթացքում սգում էին ոչ միայն հանգուցեալի անմիջական հարազատները, այլեւ՝ ողջ ներկաները: Օրւայ առիթով դամբանականներ արտասանեցին՝ Իսլ. խորհրդարանում հիւսիսային իրանահայութեան պատգամաւոր ճրտգ. Գէորգ Վարդանեանը, Սպահանի հայոց թեմի առաջնորդ Տ. Բաբգէն եպս. Չարեանը եւ Թեհրանի հայոց թեմի առաջնորդ Տ. Սեպուհ արք. Սարգսեանը:

Մանրամասնութիւնները տեսնել մեր յաջորդ համարներից մէկում:

Նշենք, որ զոհերից Վիգէն Տէր-Ղազարեանի դին այսօր է հողին յանձնւելու:

http://www.alikonline.com/newsviewpage.aspx?idg=1

ՄԱՀԱԶԴ - ՎԻԳԷՆ ՏԷՐ-ՂԱԶԱՐԵԱՆԻ

Սրտի անհուն կսկիծով յայտնում ենք մեր անգին, անմոռանալի եւ անկրկնելի

ՎԻԳԷՆ ՏԷՐ-ՂԱԶԱՐԵԱՆԻ

անհաւատալի եւ արկածային մահը, որըտեղի ունեցաւ երկուշաբթի, սեպտ. 8-ին։Թաղումը կը կատարւի երկուշաբթի, սեպտ. 15-ին, կ. յ. ժամը 3-ին, Նոր Բուրաստան գերեզմանատանը։

http://www.alikonline.com/newsviewpage.aspx?idl=5985

ՄԱՀԱԶԴ

Խոր վշտով համակւած յայտնում ենք

ՍԻԼՒԱՆԱ ՂԱՐԱԴԱՂԵԱՆԻ,

ՄԻՍԱՔ ԲԱԲԱՅԵԱՆԻ,

ԹՈՎՄԱՍ ՄՈՎՍԷՍ ՄՈՂԱԴԴԱՄԻ (ԱԼՄԱՍ)

ԵՒ

ՖԱՐԱՆԳ ՇԱՀԲԱԶԻԻ

ցաւալի, դառնաղէտ եւ անակնկալ մահը, որը տեղի ունեցաւ երկուշաբթի, սեպտ. 8-ին։Թաղումը կատարւեց այսօր՝ կիրակի, սեպտ. 14-ին, կ. յ. ժամը 2-ին, Նոր Բուրաստան գերեզմանատանը։

«ԳԱՌՆԻ ԹՈՒՐ» ԸՆԿԵՐՈՒԹԻՒՆ

http://www.alikonline.com/newsviewpage.aspx?idl=5987

Նոր Ջուղայի սգակիր հայութիւնը հողին յանձնեց իր զաւակներին

«Ալիք»
14 Սեպտեմբեր 2008

Համարեա՛ Ս. Ամենափրկչեան վանքը իր նորագոյն պատմութեան ընթացքում 2008 թւականի շաբաթ, սեպտ. 13-ի օրւայ պէս դառն ու սգալի օր չէր ունեցել...

Այդ օրը, առաւօտեան ժամը 10-ին, բազմահարիւր սգակիր հայորդիներ վանքի բակում արտասուքով եւ դառը կսկիծով դիմաւորեցին Նոր Ջուղայի բնակիչներից ութ հոգու անշնչացած մարմինները, որոնք Արեւմտեան Հայաստան շրջագայութիւնից վերադարձի ճանապարհին հանրակառքի չարաբաստիկ վթարի հետեւանքով՝ իրենց ոգեւորւածութիւնն ու մեր պապենական հայրենիքը տեսնելու լիցքը իրենց հարազատներին փոխանցելու կարօտով հեռացան այս աշխարհից:

Շաբաթ, առաւօտեան ժամը 10-ին, Ս. Ամենափրկիչ վանքի բակում տեղի ունեցաւ հաւաքական թաղման կրօնական արարողութիւնը, ուր ներկայ էին հարիւրաւոր մարդիկ՝ համարեա՛ ամբողջ Նոր Ջուղան, Սպահանի հայոց թեմի առաջնորդ Տ. Բաբգէն եպս. Չարեանը, Իսլ. խորհրդարանի հարաւային իրանահայութեան պատգամաւոր Ռոբերտ Բեգլարեանը, հոգեւորականաց դասը, ազգային իշխանութեան բոլոր մարմիններն ու պաշտօնէութիւնը, միութենականներ, նոյնիսկ՝ պարսիկ շրջանակից ծանօթներ եւ անձինք:

Արարողութեանը մասնակցելու համար՝ նոյն առաւօտեան յատուկ կերպով Ս. Ամենափրկչեան վանք ժամանեց նաեւ Թեհրանի հայոց թեմի առաջնորդ Տ. Սեպուհ արք. Սարգսեանը՝ իր հետ ունենալով հիւսիսային իրանահայութեան պատգամաւոր Գէորգ Վարդանեանին, Թեհրանի հայոց թեմի Թեմական եւ Կրօնական խորհուրդների ներկայացուցիչներին:

Վանքի բակում տեղի ունեցած թաղման կրօնական արարողութեան աւարտին Տ. Վազգէն քհնյ. Քեօշկերեանը ընթերցեց հանգուցեալներ՝ Սերա Հայկունեան-Յովհաննիսեանի, Հիլդա Մարգարեան-Ալեքսանդրեանի, Յովհաննէս Պօղոսեանի, Սուսանբար Յովսէփեան-Բարսեղեանի, Անուշիկ Բունիաթեան-Տէր-Մարտիրոսեանի, Շահսանամ Գալստեան-Ղարիբեանի, Քլարա Կիրակոսեան-Թորոսեանի եւ Հիլդա Քեշիշ Անդրէաս-Շիրւանեանի կենսագրականները, ինչպէս նաեւ վեր հանեց նրանց գործունէութիւնը՝ համայնքի ազգային, եկեղեցական եւ կրթական բնագաւառներում: Տէր Հայրը նաեւ տեղեկացրեց, որ Իրանում ՀՀ դեսպան պրն. Կարէն Նազարեանը եւս իր եւ դեսպանութեան կողմից ցաւակցութիւններ է փոխանցել ցաւալի պատահարի կապակցութեամբ:

Յանուն ազգային մարմինների ու ժողովականութեան՝ դամբանական խօսք արտայայտեց Կրթական խորհրդի ատենապետ Հրայր Շահնազարեանը՝ նշելով, որ Նոր Ջուղան անփոխարինելի կորուստներ ունեցաւ այս աղէտալի դէպքի ընթացքում, զոհեր՝ որոնք իրենց հաւատի ու ազգի նկատմամբ ամենաջերմ զգացումներով լեցուն անձեր էին եւ այդ առումով նրանց մահւան վիշտն ու սուգը բոլորինս է:

Սպահանի հայոց Թեմական խորհրդի ատենապետ Վրէժ Տէր-Մարտիրոսեանը յանուն ազգային մարմինների պարսկերէնով արտայայտած իր դամբանական խօսքում ցաւակցութիւն յայտնելով սգակիր հասարակութեանն ու հանգուցեալների հարազատներին՝ յատկապէս շնորհակալութեան խօսք արտայայտեց երկրի պետական առնչակից մարմիններին ու պատասխանատուներին, խորհրդարանի պատգամաւորներին եւ իրանահայութեան երկու պատգամաւորներին, նահանգապետերին եւ սահմանապահ ուժերին, որոնք անվերապահ աջակցութիւն են ցուցաբերել զոհւածների դիակների փոխադրութեան եւ վիրաւոր ու միւս ուղեւորների իրենց քաղաքները վերադառնալու աշխատանքում:

Հարաւային իրանահայութեան պատգամաւոր Ռոբերտ Բեգլարեանը, որ անցնող հինգ օրերի ընթացքում Իրան-Թուրքիա սահմանում մօտկից հետապնդել է աղէտեալներին օգնութիւն ցուցաբերելու բոլոր աշխատանքներն ու կատարել անհրաժեշտ համադրութիւնները՝ իր ցաւակցութիւնները յայտնելով՝ գնահատեց իրանահայ երեք թեմերի ազգային իշխանութեանց եւ երկրի պատասխանատու կառոյցների միասնական, հոգատար եւ հետեւողական աշխատանքը: Նմանօրինակ աղէտալի դէպքերը նւազագոյնի իջեցնելու եւ կանխելու ուղղութեամբ՝ պրն. Բեգլարեանը երկրի զբօսաշրջիկութեան բնագաւառին առնչւող կառոյցներին կոչ ուղղեց միջոցներ ձեռնարկել՝ առաւել անվտանգ եւ երաշխաւորւած ուղեւորութիւններ կազմակերպելու համար:

Յանուն Թեհրանի հայոց թեմի ազգային իշխանութեան, ժողովականութեան եւ ժողովրդի ինչպէս նաեւ Ատրպատականի հայոց թեմակալ առաջնորդի, ազգային իշխանութեանց եւ ժողովրդի պատգամը փոխանցելով՝ ցաւակցական խօսք արտայայտեց Թեհրանի հայոց թեմի առաջնորդ Տ. Սեպուհ արք. Սարգսեանը, որն անդրադարձաւ դէպի Արեւմտեան Հայաստան մեր պապենական հողերը ուխտի գնացած հայորդիների հաւատքին ու համոզմանը:

Թեմիս առաջնորդը խոր կսկիծով ցաւակցութիւն յայտնեց եւ նշեց. «Հաւատում եմ, որ մեր ննջեցեալները հաւատացին եւ մեռան. Քրիստոսի եւ Աստծու հետ իրենց կեանքն ապրեցին, այդ հաւատքով ու ներշնչումով գնացին Վանն ու Կարսը եւ Անին տեսնելու եւ իրենց աչքերով վկայելու, որ դրանք մեր հողերն են, մեր սրբութիւններն են, մեր յուշակոթողներն են: Նրանք հաւատում էին մեր Տիրոջ այն խօսքին, որ «Ես յարութիւնն եմ: Նրանք՝ ովքեր հաւատում են Ինձ, չեն մեռնելու եւ յաւիտենական կեանքում անմահ են մնալու»: Նրանց երազը չի մեռնելու, նրանց ոգին շարունակւելու է մեր կեանքում, մեր յուշերում»: Սրբազան Հայրը համոզում յայտնեց, որ իրանահայութեան համար այս համընդհանուր սուգի մէջ մեր ժողովուրդը քրիստոնէական հաւատքով յարութիւն է առնում՝ միմեանց զօրակցելով ու գօտեպնդելով եւ շարունակելու է գոյատեւել ու ծաղկել: Նա իր շնորհակալական խօսքն ուղղեց՝ իրանահայ բոլոր թեմերին, երկրի պատասխանատուներին, յատկապէս՝ իրանահայ երկու պատգամաւորներին, Ատրպատականի թեմի առաջնորդին ու ազգային իշխանութեանց, որոնք ամէն ջանք ի գործ դրեցին՝ անմիջական օգնութիւն ցուցաբերելու աղէտեալներին:

Ապա սգակից հայորդիները ուղեւորւեցին Նոր Ջուղայի գերեզմանատուն՝ այնտեղ իրենց վերջին հրաժեշտը տալու իրենց սիրելիներին:

Գերեզմանատան մայր ճանապարհին կրկին հաւաքական կարճ արարողութիւն կատարւեց առաջնորդ Սրբազան Հայրերի նախագահութեամբ, ապա զոհւածների հարազատները նրանց դիերը տեղափոխեցին շիրիմների մօտ, ուր քահանայ հայրերի աղօթքով հողին յանձնւեցին նրանց մարմինները: Այստեղ՝ գերեզմանատանն էլ տիրում էր աննախադէպ իրավիճակ. ամէն կողմ խունկ էր ու սգոյ ողբ...

Մինչեւ կ. յ. ժամը 2.30-ը երկարող յուղարկաւորութեան արարողութեանը յաջորդեց Նոր Ջուղայի Հայ Մ. Մ. «Արարատ» միութեան շրջափակում եւ սրահում ցաւակցութիւնների ընդունելութիւն: Եւ այս բոլոր արարողութեանց ընթացքում բոլորը մէկ ընտանիք լինելու վեհ զգացումով փորձում էին մխիթարել եւ մեղմացնել միմեանց ցաւն ու կսկիծը՝ իմանալով հանդերձ, որ դա այնքան էլ հնարաւոր չէ: Բարձրեալն Աստծուց ամնեղ զոհերի հոգիների համար հայցենք երկնային խաղաղութիւն, իսկ մեզ՝ մնացորդացիս համար՝ Սուրբ Հոգու մխիթարութիւն եւ համբերութիւն:

Յիշատակն արդարոց օրհնութեամբ եղիցի:

ՍՊԱՀԱՆԻ ՀԱՅՈՑ ԹԵՄԻ ԱԶԳ. ԱՌԱՋՆՈՐԴԱՐԱՆԻ ՀԱՆՐԱՅԻՆ ԿԱՊԻ ԳՐԱՍԵՆԵԱԿ

http://www.alikonline.com/newsviewpage.aspx?idl=5965

ԴԻՏԱՆԿԻՒՆ - Թեհրանի հայոց թեմի պատւիրակութիւնը՝ Նոր Ջուղայում

«Ալիք»
14 Սեպտեմբեր 2008

Երէկ վաղ առաւօտեան Թեհրանի հայոց թեմի առաջնորդ Տ. Սեպուհ արք. Սարգսեանը, Իսլ. խորհրդարանում հիւսիսային իրանահայութեան պատգամաւոր ճրտգ. Գէորգ Վարդանեանը, Կրօնական խորհրդի ատենապետ Տ. Վարազդատ աւ. քհնյ. Տէրտէրեանը, Թեմական խորհրդի ներկայացուցիչներ՝ Համիկ Մարգարեանը եւ Սեւան Դանիէլեանը մեկնեցին Նոր Ջուղա՝ Արեւմտեան Հայաստանի ուխտաւորներին Թեհրան վերադարձնող հանրակառքի ցաւալի դէպքի զոհւածների թաղման արարողութեանը մասնակցելու նպատակով եւ որպէս մխիթարութիւն ու զօրակցութիւն՝ Սպահանի հայոց թեմի առաջնորդ Տ. Բաբգէն եպս. Չարեանին, Իսլ. խորհրդարանում հարաւային իրանահայութեան պատգամաւոր Ռոբերտ Բեգլարեանին, ազգային իշխանութեանը, սգակիր ժողովրդին եւ ի մասնաւորի՝ զոհւածների հարազատներին:

Սրբազան Հօր գլխաւորած պատւիրակութիւնը մասնակցեց թէ՛ Ս. Ամենափրկիչ վանքի շրջափակում կայացած հոգեհանգստեան արարողութեանը, եւ թէ՛ ազգային գերեզմանատանը կայացած թաղման արարողութեանը:

Սրբազան Հայրը տեղում թէ՛ խորազգաց վշտակցութիւն յայտնեց զոհւածների հարազատներին, եւ թէ՛ իր շնորհակալական խօսքն ուղղեց Իրանի պետական պաշտօնատարներին, նաեւ Իսլ. խորհրդարանում իրանահայ զոյգ պատգամաւորներին, որոնք դէպքի առաջին պահերից իսկ ոչինչ չխնայեցին:

http://www.alikonline.com/newsviewpage.aspx?idl=5969

ՄԱՀԱԶԴ -ՄԻՍԱՔ ԲԱԲԱՅԵԱՆՑԻ

Խոր վշտով համակւած յայտնում ենք հաւատաւոր գաղափարական

ՄԻՍԱՔ ԲԱԲԱՅԵԱՆՑԻ

ցաւալի մահը, որը տեղի ունեցաւ սեպտ. 8-ին, Արեւմտահայաստան կատարած ուխտագնացութիւնից վերադարձին պատահած աւտովթարի հետեւանքով:Թաղումը կը կատարւի վաղը՝ կիրակի, սեպտ. 14-ին, կ. յ. ժամը 2-ին, Նոր Բուրաստան գերեզմանատանը:

http://www.alikonline.com/newsviewpage.aspx?idl=5948

ՄԱՀԱԶԴ - ՍԻԼՒԱՆԱ ՂԱՐԱԴԱՂԵԱՆԻ

Խոր վշտով համակւած յայտնում ենք մեր շատ սիրելի եւ թանկագին

ՍԻԼՒԱՆԱ ՂԱՐԱԴԱՂԵԱՆԻ

ցաւալի, դառնաղէտ եւ վաղաժամ մահը, որը տեղի ունեցաւ երկուշաբթի, սեպտ. 8-ին:Թաղումը կը կատարւի կիրակի, սեպտ. 14-ին, կ. յ. ժամը 2-ին, Նոր Բուրաստան գերեզմանատանը:

http://www.alikonline.com/newsviewpage.aspx?idl=5951

ՄԱՀԱԶԴ - ԹՈՎՄԱՍ ՄՈՎՍԷՍ ՄՈՂԱԴԴԱՄԻ (ԱԼՄԱՍ) եւ ՖԱՐԱՆԳ ՇԱՀԲԱԶԻԻ

Խոր վշտով համակւած յայտնում ենք մեր շատ սիրելիներ՝

ԹՈՎՄԱՍ ՄՈՎՍԷՍ ՄՈՂԱԴԴԱՄԻ (ԱԼՄԱՍ)

ԵՒ

ՖԱՐԱՆԳ ՇԱՀԲԱԶԻԻ

ցաւալի եւ դառնաղէտ մահը, որը տեղի ունեցաւ երկուշաբթի, սեպտ. 8-ին:Թաղումը կը կատարւի կիրակի, սեպտ. 14-ին, կ. յ. ժամը 2-ին, Նոր Բուրաստան գերեզմանատանը:

http://www.alikonline.com/newsviewpage.aspx?idl=5949

Լուսանկարներ-Թաւրիզում հողին յանձնւեցին տկն. Գայիանէ Մելիքեանի եւ դոկտ. Արմիկ Աղաջանեանի մարմինները

Ուրբաթ, սեպտ. 12-ի կէսօրից յետոյ ժամը 4-ից Թաւրիզի ազգային գերեզմանատանը հողին յանձնւեցին Թուրքիայից Իրան վերադարձող հանրակառքի ողբերգական արկածի զոհ դարձած երկու սիրելիներ՝ տկն. Գայիանէ Մելիքեանի եւ դոկտ. Արմիկ Աղաջանեանի անշնչացած մարմինները....
Ցուցադրւած լուսանկարները նկարահանել ու տրամադրել է Արթուր Գէորգեանը Թաւրիզից:

Վերջին հրաժեշտ՝ կարօտի զոհերին

«Ծանր կսկիծով հողին յանձնեցինք արկածի առաջին զոհւածներին»,- Թաւրիզի ազգային գերեզմանատանը ասաց Տ. Նշան եպս. Թոփուզեանը

«Ալիք»13 Սեպտեմբեր 2008
Ուրբաթ, սեպտ. 12-ի կէսօրից յետոյ ժամը 4-ից Թաւրիզի ազգային գերեզմանատանը հողին յանձնւեցին Թուրքիայից Իրան վերադարձող հանրակառքի ողբերգական արկածի զոհ դարձած երկու սիրելիներ՝ տկն. Գայիանէ Մելիքեանի եւ դոկտ. Արմիկ Աղաջանեանի անշնչացած մարմինները՝ նախագահութեամբ Ատրպատականի հայոց թեմի առաջնորդ Տ. Նշան եպս. Թոփուզեանի, Ս. Շողակաթ եկեղեցում կատարւած արարողութիւնից յետոյ, մասնակցութեամբ Ուրմիոյ հոգեւոր հովիւ Տ. Անանիա աբղ. Գուճանեանի, սգակիր հարազատների եւ հոծ թւով ցաւակիցների:

Արարողութիւնից յետոյ գերեզմանատան սրահում առաջնորդ Սրբազան Հայրը առաջին հերթին սգակիր հարազատներին փոխանցեց Մեծի Տանն Կիլիկիոյ կաթողիկոս Ն.Ս.Օ.Տ.Տ. Արամ Ա Վեհափառ Հայրապետի ցաւակցութիւններն ու վշտակցութիւնները:

Երկրորդ՝ յանուն թեմի եկեղեցական դասի եւ ազգային իշխանութեան ու համայնքի՝ վշտակցութեան զգացումներ փոխանցեց զոհւածների հարազատներին՝ ցանկանալով նրանց ծով համբերութիւն եւ զոհւածներին Յիսուս Քրիստոսի օրհնութիւնն ու մխիթարութիւնը՝ իրենց երանաւէտ կեանքում:

Սրբազան Հայրը իր խօսքում ասաց նաեւ. «Դէպքի առաջին պահից իսկ, մենք, թեմի ազգային իշխանութիւնը, քոյր թեմերի առաջնորդներն ու ազգային իշխանութիւնները, հիւսիսային եւ հարաւային իրանահայութեան պատգամաւորները, Արեւելեան ու Արեւմտեան Ատրպատականների պետական պատասխանատուները ամէն ճիգ ի գործ դրեցինք զոհւածների դիակները Թաւրիզ եւ ապա Թեհրան ու Նոր Ջուղա տեղափոխելու համար, ինչպէս նաեւ վիրաւորւածներին տեղաւորելու Թաւրիզի հիւանդանոցներում»: Թեմակալ առաջնորդ Սրբազան Հայրն ասաց նաեւ. «Մեր խորին երախտագիտութիւնն ենք յայտնում՝ «Ալիք» օրաթերթին, դոկտ. Արա Մելիքեանին, դոկտ. Յասմիկ Գասպարեանին, Թաւրիզի ազգային առաջնորդարանի պաշտօնէութեանը եւ բոլոր նրանց, ովքեր որեւէ ձեւով օգտակար հանդիսացան մեզ»:

Խունկ եւ աղօթք՝ բոլոր զոհւածների յիշատակին:

http://www.alikonline.com/newsviewpage.aspx?idl=5958

Զոհւածների դիակները փոխանցւեցին Թեհրանի եւ Սպահանի թեմեր

«Ալիք»
13 Սեպտեմբեր 2008
Հինգշաբթի, սեպտ. 11-ի երեկոյեան, Ատրպատականի հայոց Թեմական խորհրդի ջանքերով եւ դոկտ. Արա Մելիքեանի անվերապահ համագործակցութեամբ, կարելի եղաւ ստանալ Արեւելեան Ատրպատականի դատախազի եւ ոստիկանութեան գրաւոր արտօնութիւնը՝ զոհւածների դիակները փոխադրելու Թեհրան եւ Սպահան։

Այս մասին սպառիչ բացատրութիւններ տւեց Ատրպատականի թեմակալ առաջնորդը՝ յայտնելով. «Նախ բաւական սփոփիչ եւ մխիթարիչ էր բոլորիս համար Վեհափառ Հայրապետի վշտակցութեան գիրը, որը ստացանք յուզումով եւ փոխանցեցինք բոլորին։ Հինգշաբթի օրը եւս մեզ համար ծանր էր. մի կողմից վիրաւորւածների վերջին հանգրւանի փոխադրութիւնը իրենց տները կամ հիւանդանոցները, ոմանց արդէն փոխանցել ենք Սպահան եւ Թեհրան, ոմանք դեռ մնում են հիւանդանոցներում. թեթեւ վէրքեր ունեցողները վերադարձել են իրենց տները»։

Իր արտայայտութիւններում Սրբազան Հայրը ասաց նաեւ «Հինգշաբթի վաղ առաւօտեան դոկտ. Արա Մելիքեանի ջանքերի շնորհիւ եւ Արեւելեան Ատրպատականի նահանգապետարանի հետ մեր կատարած համադրողական աշխատանքներին որպէս արդիւնք՝ կարելի եղաւ ստանալ դիակների փոխադրութեան գրաւոր արտօնութիւնը՝ դէպի Թեհրանի եւ Սպահանի հայոց թեմերի ազգային գերեզմանատները՝ յատուկ սառնարանային ինքնաշարժով»։ Իր խօսքի աւարտին առաջնորդ Սրբազան Հայրը իր երախտիքի արտայայտութիւնները կատարեց Իրանի թեմակալ առաջնորդներին եւ ազգային իշխանութիւններին, խորհրդարանի զոյգ պատգամաւորներին, «Ալիք» օրաթերթին, թեմի Թեմական խորհրդի անդամներին, Ատրպատականի ազգային առաջնորդարանի պաշտօնէութեան եւ բոլոր նրանց, ովքեր որեւէ ձեւով օգտակար հանդիսացան դեռ շարունակւող աշխատանքի համար:

Շնորհակալութեան զգացումներ եւ կրկնակի վշտակցութիւն՝ ամբողջ իրանահայութեան։

ՎԱՆՔ

http://www.alikonline.com/newsviewpage.aspx?idl=5959

ՑԱՒԱԿՑԱԳԻՐ

«Ալիք»
13 Սեպտեմբեր 2008
Տագնապի խոր զգացումով լսեցինք Թուրքիայի արեւելեան շրջաններ (Արեւմտեան Հայաստան) մեկնած իրանահայ ուխտաւորների ողբերգական մահւան բօթը:

Իրանում Հայաստանի Հանրապետութեան դեսպանութեան ողջ անձնակազմի եւ իմ անունից յայտնում ենք մեր խորազգաց վշտակցութիւնը՝ վթարի զոհւածների հարազատներին, ինչպէս նաեւ՝ իրանահայ երեք թեմերի առաջնորդներին, ազգային իշխանութիւններին:

ԿԱՐԷՆ ՆԱԶԱՐԵԱՆ

Իրանում ՀՀ դեսպանԹեհրան, 11 սեպտ. 2008 թ.

http://www.alikonline.com/newsviewpage.aspx?idl=5954

Վէրքերն ամոքող հանդիպում...

«Ալիք»
13 Սեպտեմբեր 2008

Ինչպէս արդէն տեղեակ է ընթերցողը, թւականիս սեպտ. 8-ին Արեւմտահայաստանից վերադարձող ուխտաւորներին փոխադրող հանրակառքը դժբախտ պատահարի ենթարկւեց, որի արդիւնքում զոհւեցին 16 հայորդիներ եւ բազմաթիւ վիրաւորներ:Վթարի տուժածներին օգնութեան հասնելու արձագանգը չուշացաւ. երեք թեմերի ազգային իշխանութիւնների ներկայացուցիչները եւ Իսլ. խորհրդարանում իրանահայ զոյգ պատգամաւորները, իրանական կողմի աջակցութեամբ, նախ իրանական կողմում ծանօթանան դէպքի մանրամասներին, ապա մի պատւիրակութիւն, որը գլխաւորում էին հիւսիսային եւ հարաւային իրանահայութեան պատգամաւորներ՝ ճրտգ. Գէորգ Վարդանեանը եւ Ռոբերտ Բեգլարեանը, ուղեւորւեցին Թուրքիա, այն 4 քաղաքների հիւանդանոցներ, ուր գտնւում էին մեր վիրաւորները: Պատւիրակութեան մաս էին կազմում Իրանի պետական այրեր, Թեմական խորհուրդների ներկայացուցիչներ եւ «Ալիք» օրաթերթի թղթակից Ռաֆիկ Արզումանեանը:Ստորեւ ընթերցողներին ենք ներկայացնում պատկերներ՝ առանց մեկնաբանութեան:


ԼՈՒՍԱՆԿԱՐԻՉ՝ Ռ. ԱՐԶՈՒՄԱՆԵԱՆ

http://www.alikonline.com/newsviewpage.aspx?idl=5963

Իրանահայ համայնքին,Իրանի հայոց թեմակալ առաջնորդներին, Թեհրանի «Ալիք» օրաթերթի խմբագրակազմին

«Ալիք»13 Սեպտեմբեր 2008
Արցախում ցաւով ու կսկիծով տեղեկացանք Թեհրանից, Նոր Ջուղայից, Թաւրիզից եւ Ուրմիայից Արեւմտեան Հայաստան շրջագայութեան մեկնած մեր հայրենակիցներին փոխադրող հանրակառքի՝ Թուրքիայի արեւելեան մասում տեղի ունեցած վթարի եւ այդ հետեւանքով մեծ թւով ուղեւորների զոհւելու մասին:

ԼՂՀ-ի Ազգային ժողովը, ինչպէս նաեւ Արցախի ողջ ժողովուրդը, անչափ վշտացած է դժբախտ պատահարի ծանր հետեւանքներով եւ անդառնալի կորստի կապակցութեամբ խոր ցաւակցութիւն ու զօրակցութիւն է յայտնում իրանահայ համայնքի մեր եղբայրներին ու քոյրերին, Իրանի հայոց թեմերի առաջնորդներին, «Ալիք» օրաթերթի խմբագրակազմին եւ ընթերցողներին՝ հոգու արիութեան ու համբերութեան կոչելով պատահարի զոհ դարձած մեր ազգակակիցներին ընտանիքներին, բոլոր հարազատներին ու մերձաւորներին:

Աստծոյ ողորմածութիւնը խնդրենք անմոռաց նահատակներնի հոգուն:

Արագ ապաքինում ու կազդուրում՝ վթարի հետեւանքով վիրաւորւածներին:

ԱՇՈՏ ՂՈՒԼԵԱՆ՝ԼՂՀ-Ի ԱԶԳԱՅԻՆ ԺՈՂՈՎԻ ՆԱԽԱԳԱՀ

http://www.alikonline.com/newsviewpage.aspx?idl=5955

Արամ Ա Վեհափառ Հայրապետի նախագահութեամբ հոգեհանգիստ՝ արկածի զոհ գնացած 16 հայորդիների հոգիների համար

«Ալիք»
13 Սեպտեմբեր 2008
ԱՆԹԻԼԻԱՍ- Երեկ առաւօտեան Բիքֆայայի վանքում Ն.Ս.Օ.Տ.Տ. Արամ Ա կաթողիկոսի նախագահութեամբ տեղի ունեցաւ հոգեհանգիստ, արկածի զոհ դարձած 16 հայորդիների հոգիների համար:

Վեհափառ Հայրապետը իր ցաւակցական գրին առընթեր՝ նաեւ հեռախօսային կապ հաստատեց Թեհրանի հայոց թեմի առաջնորդ Սեպուհ արք. Սարգսեանի, Սպահանի հայոց թեմի առաջնորդ Բաբգէն եպս. Չարեանի եւ Ատրպատականի առաջնորդ Նշան եպս. Թոփուզեանի հետ՝ թելադրելով, որ իր ցաւակցութիւնները, օրհնութիւնն ու հայրական մխիթարանքը փոխանցեն հանգուցեալների ընտանիքներին եւ ամբողջ իրանահայութեանը:
http://www.alikonline.com/newsviewpage.aspx?idg=1

Վերջին հրաժեշտ՝ կարօտի զոհերին

«Ալիք»
13 Սեպտեմբեր 2008

Դառնաղէտ պատահարի զոհերի հոգեհանգստեան արարողութիւն՝ Թեհրանի Ս. Սարգիս եկեղեցում՝ նախագահութեամբ թեմակալ առաջնորդ Տ. Սեպուհ արք. Սարգսեանի

«Ծանր կսկիծով հողին յանձնեցինք արկածի առաջին զոհւածներին»,- Թաւրիզի ազգային գերեզմանատանը ասաց Տ. Նշան եպս. Թոփուզեանը

Հինգշաբթի երեկոյեան ժամը 6-ին ցաւալի պատահարի զոհերի հոգեհանգստեան արարողութիւն՝ Նոր Ջուղայի Ս. Ամենափրկիչ վանքում՝ նախագահութեամբ թեմակալ առաջնորդ Տ. Բաբգէն եպս. Չարեանի

ԱԶԳԱՅԻՆ ԹԱՂՈՒՄ

Սրտի դառն կսկիծով ու վշտահար ապրումներով Թեհրանի մեր հաւատացեալ ժողովրդի զաւակներին յայտնում ենք, որ վաղը՝ կիրակի, սեպտեմբերի 14-ին, կ. յ. ժամը 2-ին, Նոր Բուրաստանում կատարւելու է ազգային թաղում՝ դէպի Արեւմտեան Հայաստան կատարած ուխտագնացութիւնից վերադարձի ճանապարհին տեղի ունեցած աղետալի արակածի զոհ գնացած մեր ննջեցեալների՝

Սիլւանա Ղարադաղեանի, Ալմաս Մովսէս Մողադդամի, Ֆարանգ Շահբազիի եւ Միսաք Բաբայեանցի

Կրօնական տխուր արարողութեանը նախագահելու է թեմիս առաջնորդ Գերշ. Տ. Սեպուհ Ս. արք. Սարգսեանը՝մասնակցութեամբ Թեհրանի քահանայից դասի։

Դէպի Նոր Բուրաստան հանրակառքերը ժամը 1-ին շարժւելու են՝ Ս. Սարգիս, Ս. Գրիգոր Լուսաւորիչ եկեղեցիներից եւ Սասուն քաղաքամասի «Թունեան» դպրոցից։

Խաղաղութիւն՝ նրանց հոգիներին եւ Սուրբ Հոգու մխիթարութիւն՝ նրանց ընտանիքների անդամներին։

ԴԻՒԱՆ ԱԶԳ. ԱՌԱՋՆՈՐԴԱՐԱՆԻԹԵՀՐԱՆԻ ՀԱՅՈՑ ԹԵՄԻ

http://www.alikonline.com/newsviewpage.aspx?idg2=2222

Հաղորդագրութիւն

«Ալիք»
11 Սեպտեմբեր 2008

Անցեալ երկու օրերի ընթացքում թեմիս առաջնորդ Գերշ. Տ. Սեպուհ Ս. արք. Սարգսեանը ցաւակցական հեռագրեր, գրութիւններ եւ էլեկտրոնային նամակներ է ստացել՝ սեպտեմբերի 9-ի առաւօտեան Թուրքիա-Իրան սահմանի մօտակայքում պատահած ցաւալի արկածի հետեւանքով զոհ գնացած հայորդիների մահւան առիթով:Ն. Ս. Օ. Տ. Տ. Արամ Ա կաթողիկոսից:Կ. Պոլսոյ պատրիարքարանից՝ Գերշ. Տ. Արամ Ս. արք. Աթեշեան՝ յանուն Ամենապատիւ պատրիարքի եւ ողջ միաբանութեան:Բէյրութից հայ կաթողիկէ պատրիարք Ամենապատիւ Տ. Ներսէս Թարմունիից եւ Իրանի ու արեւելեան Եւրոպայի, Հայաստանի ու Վրաստանի հայ կաթողիկէ համայնքների առաջնորդ Արհ. Տ. Նշան արք. Գարաքեհէեանից:Կիպրոսի թեմի կաթողիկոսական փոխանորդ Գերշ. Տ. Վարուժան Ս. արք. Հերկէլեանից:Ստամբուլից «Մարմարա» օրաթերթի խմբագրապետ Ռոբեր Հատտէճեանից՝ յանուն «Մարմարա»-ի ընտանիքի:Բէյրութի «Վանայ ձայն» ռադիոկայանից:Դամասկոսի ազգային բարերար եւ Կիլիկեան իշխան Գաբրիէլ Չեմբերճեանից:Պարսից ծոցի երկրների Աստւածաշնչային ընկերութեան ընդհանուր քարտուղար Հրայր Ճեպէճեանից:Հալէպից Արժ. Տ. Յուսիկ աւ. քհնյ. Սեդրակեանից՝ յանուն Բերիոյ թեմի առաջնորդ Սրբազան Հօր, քահանայից դասի եւ ողջ ժողովականութեան:Կիպրահայ համայնքի պետական ներկայացուցիչ Վարդգէս Մահտեսեանից:

ԴԻՒԱՆ ԱԶԳ. ԱՌԱՋՆՈՐԴԱՐԱՆԻ ԹԵՀՐԱՆԻ ՀԱՅՈՑ ԹԵՄԻ

http://www.alikonline.com/newsviewpage.aspx?idl=5920

«Ակօս»-ը ցաւակցում է իրանահայութեանը

«Ալիք»
11 Սեպտեմբեր 2008

Երէկ երեկոյեան Ստամբուլից հեռախօսային ուղիղ կապով Պոլսում (Ստամբուլ) հրատարակւող «Ակօս» շաբաթաթերթի տնօրէն Սարգիս Սերոբեանը «Ակօս»-ի ողջ անձնակազմի անունից ցաւակցութիւն յայտնեց իրանահայ ուղեւորներին պատահած դէպքի առնչութեամբ: Մեր գործընկերը խնդրեց «Ալիք»-ի ճամբով զոհւածների հարազատներին փոխանցել վշտակցութեան անկեղծ զգացմունքները:
Այս առթիւ թերթս ցաւակցական երկտող է ստացել նաեւ Սիրիայի մեր աշխատակից Աւօ Գաթըրճեանից:
http://www.alikonline.com/newsviewpage.aspx?idl=5922

ՑԱՒԱԿՑԱԳԻՐ

«Ալիք»

11 Սեպտեմբեր 2008

Սեպուհ արք. Սարգսեանին (Թեհրանի հայոց թեմի առաջնորդ), Բաբգէն եպս. Չարեանին (Սպահանի հայոց թեմի առաջնորդ), Նշան եպս. Թոփուզեանին (Ատրպատականի հայոց թեմի առաջնորդ), անձնապէս Ձեզի եւ Ձեր Թեմական խորհուրդներուն կը յայտնենք մեր խոր ցաւակցութիւնները՝ հանրակառքի արկածին պատճառով Թեհրանէն, Նոր Ջուղայէն, Թաւրիզէն եւ Ուրմիոյ շրջաններէն արձանագրւած զոհերուն համար, ինչպէս նաեւ արագ ապաքինում կը մաղթենք վիրաւոր հայրենակիցներուն:

ՀՅԴ ԼԻԲԱՆԱՆԻ ԿԵՆՏՐՈՆԱԿԱՆ ԿՈՄԻՏԷ

http://www.alikonline.com/newsviewpage.aspx?idl=5921

ՄԱՀԱԶԴ - ԳԱՅԻԱՆԷ ՄԵԼԻՔԵԱՆԻ (ՅԱՐՈՒԹԻՒՆԵԱՆ)

Խոր վշտով համակւած յայտնում ենք մեր շատ սիրելի եւ թանկագին

ԳԱՅԻԱՆԷ ՄԵԼԻՔԵԱՆԻ (ՅԱՐՈՒԹԻՒՆԵԱՆ)

ցաւալի եւ դառնաղէտ, մահը, որը տեղի ունեցաւ սեպտ. 8-ին, «Գառնի թուր» զբօսաշրջութեան ընկերութեան կազմակերպած թուրին, Թուրքիայում պատահած արկածի հետեւանքով:Թաղումը տեղի կունենայ առաջիկայ ուրբաթ, սեպտ. 12-ին, 2008 թ.-ին, կ. յ. ժամը 4-ին, Թաւրիզի հայոց գերեզմանատանը:

ՄԱՀԱԶԴ - ԴՈԿՏ. ՄԱՐԻԱՄ ԱՂԱՋԱՆԵԱՆԻ (ԷՍԼԱՄՓԱՆԱՀ)

Խոր վշտով համակւած յայտնում ենք մեր շատ սիրելի եւ թանկագին

ԴՈԿՏ. ՄԱՐԻԱՄ ԱՂԱՋԱՆԵԱՆԻ (ԷՍԼԱՄՓԱՆԱՀ)

ցաւալի եւ դառնաղէտ մահը, որը տեղի ունեցաւ սեպտ. 8-ին, «Գառնի թուր» զբօսաշրջութեան ընկերութեան կազմակերպած թուրին, Թուրքիայում պատահած արկածի հետեւանքով:Թաղումը տեղի կունենայ առաջիկայ ուրբաթ, սեպտ. 12-ին, 2008 թ.-ին, կ. յ. ժամը 4-ին, Թաւրիզի հայոց գերեզմանատանը:

Video : Korkunç otobüs faciası

http://vidomido.superonline.com/video/2008/09/09/9569.html

Վերջին Լուրերը Թաւրիզից

Կապի մէջ լինելով Թաւրիզի ազգային առաջնորդարանում Թեմակալ Առաջնորդ՝ Տ. Նշան Եպս. Թօփուզեանի հետ՝ ստացայ հետեւեալ գրութիւնը (Thursday, September 11, 2008 9:17:48 PM), որը նոյնութեամբ ներկայացնում եմ ընթերցողին:

Թեմական Լուրեր
Թաւրիզ

«Զոհւածների դիակները փոխանցեցինք Թեհրանի եւ Սպահանի Թեմերին»
Յայտնեց Նշան Եպս.Թօփուզեանը Թաւրիզում

Հինգշաբթի, 11 Սեպտ. 2008 թ.ի երեկոյեան, Ատրպատականի Հայոց Թեմի Թեմական Խորհրդի ջանքերով եւ Դոկտ. Արա Մելիքեանի անվերապահ համագործակցութեամբ, կարելի եղաւ ստանալ Արեւելեան Ատրպատականի Դատախազի եւ Ոստիկանութեան գրաւոր արտօնութիւնը, զոհւածների դիակները փոխադրելու Թեհրան եւ Սպահան:
Այս մասին սպառիչ բացատրութիւններ տւեց Թեմակալ Առաջնորդը, յայտնելով թէ «նախ բաւականին սփոփիչ եւ մխիթարիչ էր բոլորիս համար Վեհափառ Հայրապետի վշտակցութեան գիրը, որը ստացանք յուզումով եւ փոխանցեցինք բոլորին: Այս օրը (Հինգ.ի) եւս մեզ համար ծանր էր. Մի կողմից վիրաւորւածների վերջին հանգրւանի փոխադրութիւնը իրենց տները կամ հիւանդանոցները, ոմանց արդէն փոխանցել ենք Իսֆահան եւ Թեհրան, ոմանք դեռ մնում են հիւանդանոցներում. Թեթեւ վէրքեր ունեցողները վերադարձել են իրենց տները»:
Իր յայտարարութիւններում Սրբազան Հայրը ասաց նաեւ «առաւօտեան կանուխ, Դոկտ. Արա Մելիքեանի ջանքերի շնորհիւ, եւ Արեւելեան Ատրպատականի Նահանգապետարանի հետ մեր կատարած համադրողական աշխատանքներին որպէս արդիւնք, կարելի եղաւ ստանալ դիակների փոխադրութեան գրաւոր արտօնութիւնը դէպի Թեհրանի եւ Սպահանի Հայոց Թեմերի ազգային գերեզմանատները, յատուկ սառնարանային ինքնաշարժով»:
Խօսելով թաղման կարգի մասին, Սրբազան Հայրը յայտնեց նաեւ թէ «իւրաքանչիւր թեմ իրեն յատուկ պարագաներ ունի. Մենք Ուրբաթ օր հողին պիտի յանձնենք երկու զոհեր, իսկ երրորդը յառաջիկայ որերում, քանի իւրայատուկ պարագաներ կան: Դժւար է յայտնել, որ երբեմն վիրաւորածներին դեռ չէինք կարողանում յայտնել թէ իր հարազատն մահացել է... սպասելով յարմարագոյն պահին...»:
Իր Խօսքերի աւարտին, Առաջնորդ Սրբազան Հայրը իր երախտիքի արտայայտութիւնները կատարեց Իրանի Թեմակալ Առաջնորդներին եւ ազգային իշխանութիւններին, Ալիք Օրաթերթին, Խորհրդարանի զոյգ Պատգամաւորներին, Թեմի Թեմական Խորհրդի անդամներին, Թաւրիզի Ազգային Առաջնորդարանի պաշտօնէութեան եւ բոլոր նրանց ովքեր որեւէ ձեւով օգտակար հանդիսացան դեռ շարունակւող աշխատանքի համար շնորհակալութեան զգացումներ եւ կրկնակի վշտակցութիւն ամբողջ Իրանահայութեան:

Յարգանօք՝
ՎԱՆՔ

Հանրակառքի արկածի մանրամասնութիւնների մասին հաղորդում է Տ. Նշան եպս. Թոփուզեանը

«Ալիք»

Ստպտեմբեր 11 2008
Անցնող շաբաթւայ ընթացքում դէպի Վան կատարւած ուխտագնացութեան աւարտին երեքշաբթի, սեպտ. 9-ի վաղ առաւօտեան Թաւրիզի ազգային առաջնորդարանում թեմակալ առաջնորդ Տ. Նշան եպս. Թոփուզեանին գուժեցին պատահած ողբալի արկածի մասին, որը տեղի էր ունեցել Դու Բայազիդի ճանապարհին, անձրեւային խիստ եղանակի ընթացքում։

Վաղ առաւօտեան Տ. Նշան եպս. Թոփուզեանը դէպքի մասին տեղեկացրեց Թեհրանի եւ Սպահանի թեմակալ առաջնորդներին, հիւս. իրանահայութեան պատգամաւորին, «Ալիք» օրաթերթի պատասխանատուներին, ինչպէս նաեւ՝ Արեւելեան եւ Արեւմտեան Ատրպատականի նահանգապետարաններին եւ պատկան այլ գրասենեակներին՝ հարկ եղած բոլոր օժանդակութիւնները ցոյց տալու համար։ Տ. Նշան եպս. Թոփուզեանը իր առաջին արտայայտութիւններում յայտնեց. «Սկզբում շատ շփոթ լուրեր ստացանք զոհւածների թւի մասին, որը ահաւոր իրավիճակ ստեղծեց գրեթէ երեք թեմերում էլ. յետոյ կարողացանք կապ պահել վիրաւորներից դոկտ. Արա Մելիքեանի հետ, որը հակառակ իր կրած ծանր կորստին եւ ստացած վնասւածքներին՝ սփոփեց մեր ծանր վիճակը։ Մեզ հետ տեւական կապի մէջ եղան Մակուի եւ Չալդրանի գաւառապետերն ու ոստիկանութիւնը»։

«Յայտնի դարձաւ որ արկածը տեղի էր ունեցել հանրակառքի մեքենավարի սխալի պատճառով։ Նա իր օգնականի հետ ձերբակալւել եւ այժմ թրքական կողմում բանտարկւած է»,- շարունակեց Սրբազան Հայրը։ Իր տւած այլ բացատրութիւնների մէջ Սրբազան Հայրը յայտնեց նաեւ, որ սեպտ. 10-ի առաւօտեան, հիւսիսային եւ հարաւային պատգամաւորների համագործակցութեամբ, Թաւրիզում հնարաւոր եղաւ զոհւածների դիակները տեղադրել «Վադիէ ռահմաթ»-ի սառնարաններում. հակառակ այն իրողութեան, որ բոլորի փաստաթղթերը պակասում էին, սակայն իւրայատուկ կարգադրութեամբ դա յաջողւեց անել։

Երէկւայ (չորեքշաբթի) տւեալներով՝ կարելի է ասել, որ բոլոր զոհւածների դիակները Թաւրիզում են գտնւում. վիրաւորւածների գրեթէ մեծ մասը տեղափոխւել է Թաւրիզի հիւանդանոցները, որոնց այցելել են՝ պատգամաւորները եւ Սրբազան Հօր անունից Ուրմիոյ հոգեւոր հովիւ Տ. Անանիա աբղ. Գուճանեանը։ Իսկ մնացեալ ծանր վիրաւորւածներին այցելելու եւ օժանդակելու նպատակով՝ խորհրդարանի զոյգ պատգամաւորները եւ թեմերի ներկայացուցիչները չորեքշաբթի կէսօրւայ ժամերին մեկնեցին Թուրքիա։

«Պետական գրասենեակների հետ հինգշաբթի օր մեր համագործակցութեան ընթացքը պիտի լինի այն, որ Թեհրանի եւ Սպահանի զոհւածների դիակները կա՛մ օդանաւով, կա՛մ էլ ամբուլանսներով տեղափոխենք ազգային առաջնորդարանները, որպէսզի յանձնւեն իրենց հարազատներին»,- շեշտեց Սրբազան Հայրը։

Իր խօսքերի աւարտին Տ. Նշան եպս. Թոփուզեանը յայտնեց. «Յոյսով, որ կարողացած լինենք մեր կողքին կանգնած մարդուժի համագործակցութեամբ՝ ամենայն համբերատարութեամբ կատարել մեր միւս պարտաւորութիւնները։ Խորապէս ցաւում ենք, սգում ենք այս ծանր ողբերգութիւնը եւ ցաւակցում բոլորիդ հետ»,- եզրափակեց Սրբազան Հայրը։
http://www.alikonline.com/newsviewpage.aspx?idt=199

Ստացած մի քանի նկարներ

http://www.iranahayer.com/index.php?news=70